പഴയ താളുകൾ - ഒന്ന്

പഴയ കോളജ് മാഗസീനിൽനിന്നുള്ള പേജുകൾ സ്കാൻ ചെയ്ത് പ്രസിദ്ധീകരിച്ച യു. എ. ഇ. അലൂംനി സുഹൃത്തുക്കൾക്കു നന്ദി. ഇവിടെക്കാണുന്ന സഹപാഠികളിൽ ചിലരൊക്കെ ഇന്ന് അറിയപ്പെടുന്നവരാണ്:

ബിജു ഡി. എന്ന ബിജു ധനപാലൻ ഇന്ന് ഹിന്ദി സിനിമയിൽ വിഷ്വൽ ഇഫക്റ്റ്സ് ഡയറക്ടറാണ്‌.
എം. ജയചന്ദ്രൻ പ്രശസ്ത സംഗീതസംവിധായകൻ
കവി അനിതാ തമ്പി
ജോസ് കെ. പോൾ ഇപ്പോഴും ചിത്രങ്ങൾ വരയ്ക്കുന്നുണ്ട്

ശേഖരന്മാരുടെ ശ്രദ്ധയ്ക്ക്

അപൂർവവസ്തുക്കൾ ശേഖരിക്കുന്നതിൽ താത്പര്യമുള്ള കളക്ടർ(തുക്കിടിസായ്‌വ് അല്ല)മാരുടെ പ്രത്യേകശ്രദ്ധയ്ക്ക്:

അത്യപൂർവമായ ഒരു മലയാള ആനുകാലികം എന്റെ കൈവശമുണ്ട്. ഇത്തരം സാധനങ്ങളുടെ വിലയറിയാവുന്നവരിൽ നിന്ന് ലേലത്തുകകൾ ക്ഷണിക്കുന്നു. ഇരുപത്തൊന്നാം നൂറ്റാണ്ടിൽ (2000 മുതൽ ഇന്നുവരെ) പ്രസിദ്ധീകരിക്കപ്പെട്ട മലയാളസാംസ്കാരികപ്രസിദ്ധീകരണങ്ങളിൽ ഇത്തരത്തിൽ‌പ്പെട്ട ഒരേയൊരു ലക്കം മാത്രമേ നിലവിലുള്ളൂ. മാസങ്ങൾ നീണ്ടുനിന്ന പ്രയത്നത്തിലൂടെ, മൂവായിരത്തോളം ലക്കങ്ങൾ സൂക്ഷ്മമായി പരിശോധിച്ചതിനുശേഷമാണ് ഇതു കണ്ടെത്താൻ എനിക്കു കഴിഞ്ഞിട്ടുള്ളത്. 'ജാതി' എന്ന വാക്ക് അച്ചടിച്ചിട്ടില്ല എന്നതാണ് ഈ ലക്കത്തിന്റെ സവിശേഷത.

ലേലത്തുക കമന്റിലൂടെയോ ഇ-മെയിലിലൂടെയോ അറിയിക്കാവുന്നതാണ്.

കുറഞ്ഞ ലേലത്തുക: 100 അമേരിക്കൻ ഡോളർ അഥവാ 5000 ഇന്ത്യൻ രൂപ, മറ്റു വിനിമയോപാധികൾ സ്വീകാര്യമല്ല.

<< തോന്നിയവാ‍സം

ആട്ടിൻ‌കുട്ടി ഭാഷാപോഷിണിയിൽ

തള്ളയെ അനുസരിക്കാത്ത ആട്ടിൻ‌കുട്ടിയുടെ സമ്പൂർണ്ണജീവിതകഥ ഭാഷാപോഷിണിയുടെ ഏപ്രിൽ ലക്കത്തിൽ പ്രസിദ്ധീകരിച്ചിരിക്കുന്നു. കോപ്പി ഇവിടെ കാണാം.

എച്ച്.ടി.എം.എൽ ഇവിടെ.

അച്ചടിച്ചുവന്ന കഥയെപ്പറ്റി നല്ലവാക്കുകൾ പറഞ്ഞ ഡോ: ബി. ഇക്ബാൽ, ശ്രീ എം. കെ. ഹരികുമാർ തുടങ്ങിയവർക്കു നന്ദി.

<< കഥകൾ

തണുപ്പ്

തണുപ്പ് എന്ന കഥ തർജ്ജനിയിൽ.



<< കഥകൾ