വരവുചെലവ്‌
വലിയ ശമ്പളമപ്പടി നിന്റെ കൈ-
മലരില്‍ വെയ്ക്കുവതെന്‍ പതിവല്ലയോ?
സ്ഖലിതമിന്നു പൊറുക്കണമേ, വധൂ-
കുലമണേ, ലെമണേഡു കുടിച്ചു ഞാന്‍.
പ്ലാച്ചിമട വിശേഷാല്‍ പതിപ്പ്‌
വില പെരുത്തു കൊടുത്തു കിടച്ചിടും
പലയിനങ്ങളിലുള്ളൊരു കോളകള്‍
ചിലതിലുണ്ടു വിഷാംശ,മതോര്‍ക്കയാല്‍
കുലമണേ, ലെമണേഡു കുടിച്ചു ഞാന്‍.
(2005)
<< എന്റെ മറ്റു ശ്ലോകങ്ങള്‍
4 comments:
നാരങ്ങാവെള്ളം കുടിക്കാം, ബോഞ്ചി, സര്‍വത്ത്‌...
കുടിച്ചു. നല്ല സ്വാദ് :)
എന്റെ രണ്ടു പൂരണങ്ങള്‍:
1)
പല വിധത്തിലുമുണ്ടു കുടിക്കുവാന്‍
വിലയെഴും മധുരം; ബത ദോഹദേ
പുളിയെനിക്കു ഹിതം, രസികോത്തമര്‍-
ക്കുലമണേ, ലെമണേഡു കുടിച്ചു ഞാന്‍!
(ദോഹദം = ഗര്‍ഭകാലം)
2)
ലളിതമാണിതു കൂട്ടുവതിന്നു, മെയ്‌
തളരുമേവനുമേറ്റവുമാശ്രയം,
വളരെ വൈറ്റമിനു, ണ്ടതിനാല്‍ ഭിഷക്‌-
കുലമണേ, ലെമണേഡു കുടിച്ചു ഞാന്‍!
ഇവ നാലും അക്ഷരശ്ലോകം ഗ്രൂപ്പിലെ ഇ-സദസ്സില്‍ ചൊല്ലാന്‍ വേണ്ടി എഴുതിയവയാണു്.
സു, ഉമേഷ്, നന്ദി
Post a Comment