Tuesday, September 26, 2006

പുതിയ കുപ്പിയില്‍

നടനും കവിയുമായിരുന്ന തിക്കുറിശ്ശി സുകുമാരന്‍ നായരുടെ ഒരു സമസ്യയ്ക്ക്‌ എന്റെ രണ്ടുപൂരണങ്ങള്‍:

വരവുചെലവ്‌

വലിയ ശമ്പളമപ്പടി നിന്റെ കൈ-
മലരില്‍ വെയ്ക്കുവതെന്‍ പതിവല്ലയോ?
സ്ഖലിതമിന്നു പൊറുക്കണമേ, വധൂ-
കുലമണേ, ലെമണേഡു കുടിച്ചു ഞാന്‍.



പ്ലാച്ചിമട വിശേഷാല്‍ പതിപ്പ്‌
വില പെരുത്തു കൊടുത്തു കിടച്ചിടും
പലയിനങ്ങളിലുള്ളൊരു കോളകള്‍
ചിലതിലുണ്ടു വിഷാംശ,മതോര്‍ക്കയാല്‍
കുലമണേ, ലെമണേഡു കുടിച്ചു ഞാന്‍.

(2005)

<< എന്റെ മറ്റു ശ്ലോകങ്ങള്‍
Post a Comment