Wednesday, June 11, 2008

മനോരമ ചാറ്റ്‌റൂമിലാണ്‌

ബൈറ്റിന്നായ്‌ വാപൊളിയ്ക്കും, ചുമരിനരികിലേക്കോടി വിന്‍ഡോസ്‌ തുറക്കും,
സൈറ്റെന്നാല്‍ കണ്ണിറുക്കും, കലവറ തിരയും ചിപ്‌സിനായേറെനേരം,
ബൂട്ടിന്നായ്‌ കാലുപൊക്കും - കണവനിതുവിധം ഭോഷനായോരുമൂലം
ഡെയ്റ്റിന്നായ്‌ ചാറ്റുറൂമില്‍ക്കയറിയലയുവാനാണെനിയ്ക്കിന്നു യോഗം

പാമരനായ ഭര്‍ത്താവിന്റെ കൂടെ കഴിയേണ്ടിവന്ന വിദുഷിയായ മനോരമത്തമ്പുരാട്ടിയുടെ 'യസ്യ ഷഷ്ഠീ ചതുര്‍ത്ഥീ ച'എന്ന ശ്ലോകം പ്രസിദ്ധമാണല്ലോ. ഇന്നും ഈ ദുരവസ്ഥ അനുഭവിക്കേണ്ടിവരുന്ന സ്ത്രീകളുണ്ട്‌. ഇതാ അത്തരത്തിലൊരാള്‍.

<< ശ്ലോകങ്ങള്‍
<< കവിതകള്‍
Post a Comment