Sunday, April 30, 2006

അമേരിക്കന്‍ മാതാവ്‌

പൊയ്പ്പോയീ പേറ്റുനോവിന്‍ കഥ, രുചികുറവി-
ന്നുണ്ടു നല്ലൌഷധങ്ങള്‍
കയ്യല്‍പം വൃത്തികേടായിടുവതുമൊഴിവായ്‌ -
വന്നുവല്ലോ ഡയപ്പര്‍,
ശോഷിക്കുന്നില്ല ദേഹം, "പുനരൊരു വിഷമം
ഡോക്ടറേ, ഗര്‍ഭഭാരം
കൂടിത്തെല്ലൊന്നിളയ്ക്കാന്‍ തരിക ഗുളിക"യെ-
ന്നോതുമമ്മേ, തൊഴുന്നേന്‍!

ഇത്‌ കുഞ്ഞിക്കുട്ടന്‍ തമ്പുരാന്റെ താഴെക്കാണുന്ന ശ്ലോകത്തിന്റെ ഹാസ്യാനുകരണമാണ്‌:

നില്‍ക്കട്ടേ പേറ്റുനോവിന്‍ കഥ, രുചി കുറയും കാല, മേറും ചടപ്പും
പൊയ്ക്കോട്ടേ, കൂട്ടിടേണ്ടാ മലമതിലൊരു കൊല്ലം കിടക്കും കിടപ്പും,
നോക്കുമ്പോള്‍ ഗര്‍ഭമാകും വലിയ ചുമടെടുക്കുന്നതിന്‍ കൂലി പോലും
തീര്‍ക്കാവല്ലെത്ര യോഗ്യന്‍ മകനു, മതു നിലയ്ക്കുള്ളൊരമ്മേ തൊഴുന്നേന്‍!


ചെറുപ്പത്തില്‍ ഏതാനും ശ്ലോകങ്ങള്‍ എഴുതിയതിനുശേഷം വളരെക്കാലത്തിനുശേഷം എഴുതിയ ആദ്യത്തെ ശ്ലോകമാണിത്‌.
ഈ ശ്ലോകത്തെപ്പറ്റി പരാമര്‍ശിക്കുന്ന ഉമേഷിന്റെ പോസ്റ്റ്‌ കാണുക.

<< എന്റെ മറ്റു ശ്ലോകങ്ങള്‍
Post a Comment