നെല്ലിക്ക Nellikka

ചെരിപ്പിനോട്

2012-01-25T16:53:00.001-08:00

ഇപ്പാഴ്പ്പാതപ്പരപ്പിൽ‌പ്പെരുകിന മുരടും മുള്ളു, മേറുന്ന കല്ലും മൽ‌പ്പാദങ്ങൾക്കു ശല്യം പകരരുതതിനായൊപ്പമുണ്ടെങ്കിലും നീ എപ്പോൾ മിന്നുന്ന വെൺകല്പടവുകളണയുന്നെന്റെ കാൽച്ചോട്ടിലെന്നാ- ലപ്പോഴേ നിന്നെയൂരിപ്പുറമെയെറിയുമേ ഞാനുറപ്പായ് ചെരിപ്പേ. << ശ്ലോകങ്ങൾ

ദേശാഭിമാനിയുടെ വർഷാന്തപട്ടികയിൽ കാമകൂടോപനിഷത്തും

2012-01-14T19:15:00.000-08:00

ദേശാഭിമാനി പത്രത്തിനുവേണ്ടി (ജനുവരി 1) 2011-ലെ ശ്രദ്ധേയമായ കഥാസമാഹാരങ്ങൾ തെരഞ്ഞെടുത്ത ശ്രീ. ഇ. പി. രാജഗോപാലൻ കാമകൂടോപനിഷത്തിനെയും ഉൾപ്പെടുത്തിയിരിക്കുന്നു. വി. ആർ. സുധീഷ്, പി. സുരേന്ദ്രൻ, ബി. മുരളി, പി.ജെ.ജെ. ആന്റണി, വത്സലൻ വാതുശ്ശേരി എന്നീ കൃതഹസ്തരായ കാഥികരോടൊപ്പം പരാമർശിക്കപ്പെട്ടതിലുള്ള സന്തോഷം പങ്കുവെക്കുന്നു. വാർത്ത ഡി. സി. ബുക്സ് ബ്ലോഗിൽ. << കയറ്റുമതി

കപ്പിത്താൻ കോണകത്തിങ്കൽ

2012-01-08T07:13:00.001-08:00

ജനുവരി ലക്കം കടലാസുകപ്പലിൽ ‘ക്യാപ്റ്റൻ അണ്ടർപാന്റ്സ്’ എന്ന കുട്ടികളുടെ ഗ്രന്ഥപരമ്പരയെപ്പറ്റി. തർജ്ജനിയിൽ വായിക്കുക. << കടലാസുകപ്പൽ

ചെറിയാൻ കെ. ചെറിയാന്റെ കത്ത്

2011-12-29T16:26:00.000-08:00

“ഈ കത്തിനു മറുപടി അയയ്ക്കേണ്ടതില്ല. അഥവാ അയച്ചാൽ അതിനു മറുപടി പ്രതീക്ഷിക്കുകയും വേണ്ട.“ ഇത്ര സത്യസന്ധമായും ലളിതമായും അവസാനിക്കുന്ന ഒരു കത്ത് ആരാണു കൊതിച്ചുപോകാത്തത്‌! കാമകൂടോപനിഷത്ത് എന്ന എന്റെ കഥാസമാഹാരത്തിന്റെ ഒരു പ്രതി അയച്ചുകൊടുത്തപ്പോൾ എല്ലാ കഥകളും വായിച്ചിട്ട് പ്രമുഖകവിയായ ശ്രീ. ചെറിയാൻ കെ. ചെറിയാൻ എഴുതിയ വിശദമായ മറുപടിയുടെ ഉപസംഹാരമാണിത്. യാതൊരു മുൻപരിചയവുമില്ലാത്ത ഒരു തുടക്കക്കാരനോട് മുതിർ

ദുരന്തകഥയുടെ ശുഭാന്ത്യം

2011-12-12T18:01:00.001-08:00

ഈ ലക്കം കടലാസുകപ്പലിൽ റിച്ചാഡ് യെയ്റ്റിസിന്റെ റെവൊല്യൂഷനറി റോഡ് എന്ന ക്ലാസിക്കിനെ മുൻ‌നിർത്തി ദുരന്തകഥകൾ എങ്ങനെ പ്രവർത്തിക്കുന്നു എന്ന ചിന്ത. അഭിപ്രായങ്ങൾ ദയവായി തർജ്ജനിയിൽ രേഖപ്പെടുത്തുക. <<കടലാസുകപ്പൽ

പദപ്രശ്നം ഉത്തരം

2011-12-09T17:54:00.001-08:00

കോടതി അലക്ഷ്യം വിഷയമാക്കി നടത്തിയ പദപ്രശ്നത്തിന്റെ ഫലങ്ങള്‍ പ്രസിദ്ധീകരിക്കുകയാണ്. രണ്ടു തെറ്റുകള്‍ മാത്രം വരുത്തിയ അജിത്‌ പന്തീരടി, ഡുണ്ടുമോള്‍ എന്നിവര്‍ ഒന്നാം സ്ഥാനം നേടിയിരിക്കുന്നു. മൂന്നു തെറ്റു വരുത്തിയ ഉമേഷിന്‌ രണ്ടാം സ്ഥാനം. 7 താഴോട്ട് എന്ന ചോദ്യത്തിന് മാട് എന്നായിരുന്നു ഞാന്‍ ഉദ്ദേശിച്ച ഉത്തരം എങ്കിലും ഉമേഷ്‌ എഴുതിയ പേട്‌ എന്നതും ശരിയായതുകൊണ്ട് അതിനു പരിഗണനകൊടുത്തിട്ടുണ്ട്. വിജയികൾ

കോടതി അലക്ഷ്യം നിങ്ങൾക്കും ചെയ്യാം

2011-11-17T18:02:00.001-08:00

വഴിയരികിൽ പൊതുയോഗങ്ങൾ നിരോധിയ്ക്കുകയും പൊങ്കാലയും മറ്റും അനുവദിക്കുകയും ചെയ്ത ന്യായാധിപന്മാരെ എന്താണു വിളിക്കണ്ടതെന്നറിയാതെ കുഴങ്ങുകയാണോ നിങ്ങൾ? കോടതി കേസിന് അന്യായമെന്നു പറയുന്നതെന്തെന്ന ശങ്ക മാറുന്നില്ലേ? ശുംഭൻ എന്ന വാക്കിന് ശോഭയുള്ളവൻ എന്നാണ് അർത്ഥമെന്നു ശങ്കിച്ച് മൌനം അവലംബിക്കുകയാണോ? വിഷമിക്കണ്ട. കോടതി അലക്ഷ്യം ആർക്കും ചെയ്യാവുന്നവിധം ലളിതമാക്കിയിരിക്കുന്നു ഇവിടെ. താഴെക്കാണുന്ന കളങ്ങളിൽ

സൂപ്പർമാൻ: ചുവപ്പിന്റെ മകൻ

2011-11-05T08:19:00.000-07:00

അമേരിക്കൻ അതിമാനുഷൻ സോവിയറ്റ് വീരനായകനായി പുനരവതരിക്കുന്ന “സൂപ്പർമാൻ: ചുവപ്പിന്റെ മകൻ” എന്ന പുസ്തകത്തെപ്പറ്റി ഈ ലക്കം തർജ്ജനിയിൽ വായിക്കുക. << കടലാസുകപ്പൽ

മാമുക്കോയയ്ക്ക്‌ ഭ്രാന്ത്‌ - സർ സിഡ്‌നി പോറ്റിയേ

2011-11-02T06:53:00.000-07:00

മലയാളത്തിലെ പ്രമുഖഹാസ്യനടനായ മാമുക്കോയയെപ്പറ്റി വിശ്വവിഖ്യാതനടൻ സർ സിഡ്നി പോറ്റിയെ വിവാദപ്രസ്താവന നടത്തിയിരിക്കുന്നു. നിങ്ങൾക്ക് ഒന്നും പറയാനില്ലേ? malayal.amൽ വായിക്കുക. << തോന്നിയവാസം

പേരുമാറ്റദൂഷ്യം

2011-10-20T17:31:00.000-07:00

"പേര്‌?" "റാറ്റ്‌നേഷ്‌." "എന്തോ?" "സോറി... രത്നേഷ്‌. അമേരിക്കക്കാരോടു റാറ്റ്‌നേഷ്‌ എന്നു പറഞ്ഞു ശീലമായിപ്പോയി. ഖേദമുണ്ട്‌." "ഹേയ്‌, അതൊന്നും സാരമില്ല." "എന്റെ ശരിയായ പേര്‌ രത്നേശ്വരൻ എന്നാണ്‌. ശ്രീലങ്കയിലായിരുന്ന കാലത്തുതന്നെ കൂട്ടുകാർ അതു ചുരുക്കി രത്നേഷ്‌ എന്നു വിളിക്കാൻ തുടങ്ങി. അമേരിക്കയിലെത്തിയപ്പോൾ രണ്ടു റൂംമേറ്റ്‌സാണുണ്ടായിരുന്നത്‌. ഒന്നാമൻ മതിവണ്ണൻ. അവൻ എല്ലാവരോടും പേര്‌ മാറ്റ്‌

കാട്ടിലെറിയപ്പെട്ട കുട്ടികളുടെ കഥ

2011-10-10T07:25:00.000-07:00

ഈ ലക്കം ‘കടലാസുകപ്പ‘ലിൽ ഗ്രിം സഹോദരന്മാരുടെ ‘ഹാൻസെലും ഗ്രെറ്റെലും‘ അതിന്റെ രണ്ടു പുത്തൻ പുനരാഖ്യാനങ്ങളും. << കടലാസുകപ്പൽ

ഉപാസനാപഞ്ചകം

2011-10-04T07:59:00.000-07:00

നിരുജയായ പയ്യിന്റെ തോലുരി- ച്ചരുമയായ്‌ പൊതിഞ്ഞോരിടയ്ക്കയിൽ കരളലിഞ്ഞു ഞാൻ താളമിട്ടിടാം നരകതാരണാ, കാത്തുകൊള്ളണേ വലിയ ചൂടെഴും വാരിയിൽത്തിള- ച്ചലസിയോരു കീടങ്ങൾ തന്റെ നൂൽ നലമൊടാടയായ്ത്തീർത്തു ചാർത്തിടാം കലിമലം കളഞ്ഞാർത്തി തീർക്കണേ ചമരിമാനിനെക്കൊന്നു തീർത്തതാ- മമിതകാന്തിയാം ചാമരത്തിനാൽ സുമശരോപമാ നിന്നെ വീശിടാം ശമനമേകണേയാധികൾക്കു നീ കുഴി കുഴിച്ചതിൽ വീഴ്ത്തി, നെഞ്ഞുറ- പ്പൊഴിയുമാറു താപ്പാന തല്ലിയും,

ഓണത്തിന് ഇത്തിരി കോസ്മിക് ഹൊറർ

2011-09-04T08:21:00.000-07:00

തർജ്ജനിയിൽ വായനാപംക്തി ‘കടലാസുകപ്പൽ’ ആരംഭിക്കുന്നു. ഈ ലക്കത്തിൽ നീൽ ഗെയ്മന്റെ രണ്ടു കഥകളെപ്പറ്റി. << കടലാസുകപ്പൽ

പുസ്തകപ്രകാശനച്ചടങ്ങ്

2011-08-25T16:35:00.000-07:00

കാമകൂടോപനിഷത്തിന്റെ ഔപചാരികമായ പ്രകാശനച്ചടങ്ങ് ആഗസ്റ്റ് 29 തിങ്കളാഴ്ച തിരുവനന്തപുരത്തുവെച്ചു നടക്കും. ഡി. സി. ബുക്സിന്റെ 37-ആം വാർഷികത്തോടനുബന്ധിച്ച് എ. കെ. ജി. സെന്ററിൽ നടക്കുന്ന ചടങ്ങിൽ പ്രകാശിപ്പിക്കപ്പെടുന്ന 37 പുസ്തകങ്ങളിൽ ഒന്നാണ് എന്റെ കഥാസമാഹാരം. ക്ഷണക്കത്ത് ഇവിടെ കാണാം. എല്ലാവരുടെയും സാന്നിധ്യം ആഗ്രഹിക്കുന്നു. << കയറ്റുമതി

തടവുകാരെ തടവുമോ?

2011-08-15T17:53:00.000-07:00

അടിപിടിക്കേസിൽ പിടിയിലായവന്‌ അടിതടയിൽ പരിശീലനം കൊടുക്കുമോ? കുംഭകോണക്കേസുകളിൽ ശിക്ഷിക്കപ്പെടുന്ന മന്ത്രിമാരോട്‌ 'തെളിയിക്കപ്പെടാത്ത 100 കേസുകൾ' എന്ന പുസ്തകം പഠിക്കാനാവശ്യപ്പെടുമോ? സംശയം തോന്നാൻ കാര്യമുണ്ട്‌. കോഴിക്കോട്‌ ഇരട്ടസ്ഫോടനക്കേസിൽ ശിക്ഷിക്കപ്പെട്ട തടിയന്റവിട നസീർ, ഷഫാസ്‌ എന്നീ ഭീകരർ ജയിലിൽ വിശ്രമിക്കുന്ന സമയത്ത്‌ ധീരദേശാഭിമാനികളുടെ ജീവചരിത്രങ്ങൾ പഠിക്കണമെന്നു കോടതി ഉത്തരവിട്ടിരിക്കുന്നു.

ISBN 978-81-264-3097-0

2011-07-13T18:26:00.000-07:00

പ്രിയപ്പെട്ടവരേ, എന്റെ ആദ്യത്തെ കഥാസമാഹാരം “കാമകൂടോപനിഷത്ത്“ ഡി.സി.ബുക്സ് പ്രസിദ്ധീകരിച്ചിരിക്കുന്നു. നമ്പൂതിരിയുടെയും സുബോധിന്റെയും ചിത്രങ്ങളും ഡോ: പി.കെ. രാജശേഖരന്റെ അവതാരികയും പുസ്തകത്തെ അനുഗ്രഹിക്കുന്നു. ശ്ലോകമെഴുത്തിലൂടെയും ബ്ലോഗെഴുത്തിലൂടെയും കഥയെഴുത്തിലേക്കു മടങ്ങിവന്ന ഞാൻ ഇവിടെ വരികയും പ്രോത്സാഹിപ്പിക്കുകയും ചെയ്ത നിങ്ങൾക്കോരോരുത്തർക്കും നന്ദിപറയുകയാണ്. ഭാവിയിലും സഹായസഹകരണങ്ങൾ

കളിമുറ്റം

2011-06-23T17:40:00.000-07:00

പണ്ടുകണ്ടിട്ടുള്ള സ്ഥലങ്ങൾ പിന്നീടു കാണുമ്പോൾ ഓർമ്മയിലുള്ളതിലും ചെറുതായി കാണപ്പെടുന്നതിനെപ്പറ്റി സാധാരണ കേട്ടിട്ടുള്ള വിശദീകരണം ഇങ്ങനെയാണ്‌: ആ സ്ഥലത്ത്‌ പെരുമാറുന്ന കാലത്ത്‌ നമ്മുടെ ശരീരം ചെറുതായിരുന്നു. ചെറിയ ശരീരത്തിന്റെ അളവുകൾക്കനുസരിച്ചാണ്‌ നമ്മൾ ആ സ്ഥലം വലുതായി ഓർമ്മിക്കുന്നത്‌. എന്നാൽ, കുട്ടിക്കാലം കഴിഞ്ഞ്‌, ശരീരത്തിന്റെ വളർച്ച അവസാനിച്ചതിനുശേഷം പെരുമാറിയ സ്ഥലങ്ങളോ? മകനെ ഒമ്പതുവർഷം മുമ്പ്‌

അയ്യ(പ്പ)ൻ

2011-03-10T09:32:00.000-08:00

ഓരോരുത്തരിലും ഒരു ബുദ്ധനുണ്ടെന്നു പറയാറുണ്ട്. അയ്യപ്പനിലും ഒരു ബുദ്ധനുണ്ടായിരിക്കുമോ? ഒരു ശ്ലോകത്തിനുള്ളിൽ മറ്റൊന്ന്: കഴൽ കൂപ്പിടുന്നു കരുണാസുധാംബുധേ പുരമേടവിട്ടടവിപുക്കൊരയ്യനേ ഗുരുവജ്രികൾക്കു ഗുരുവായ ധീമതേ ഹരിമായ പെറ്റ ജിനപുണ്യരൂപമേ അയ്യൻ - അയ്യപ്പൻ, ഗുരുവജ്രികൾ - ബൃഹസ്പതിയും ഇന്ദ്രനും, ഹരിമായ - മോഹിനി, ജിനൻ - വിഷ്ണു അയ്യൻ - ബുദ്ധൻ, വജ്രികൾ - ബുദ്ധഭിക്ഷുക്കൾ, മായ - ബുദ്ധന്റെ അമ്മ,

ആട്ടക്കാർ

2011-02-13T10:16:00.000-08:00

Image Courtsey: ceeveeaarഅസിതകണ്ഠമനാമയമീശ്വരം ഭസിതലേപിതനീലകളേബരം ഹസിതഭൂഷിതചാരുമുഖാംബുജം ലസിതതാണ്ഡവനർത്തനമാശ്രയേ ത്രസിതനൂപുരഭൂഷിതപാദകം ഹസിതശോഭിതചാരുമുഖാംബുജം അസിതനീരദനീലകളേബരം ലസിതകാളിയനർത്തനമാശ്രയേImage Courtsey: Exotic India << ശ്ലോകങ്ങൾ

തീർത്ഥാടകർക്കു സ്വാഗതം

2011-01-17T18:12:00.000-08:00

മതവുമാർത്തിയുമൊത്തു നടത്തിടും മകരമേളയിൽ വന്നു മരിക്കുവിൻ! മദിരപോലെ പുളിച്ചൊരു ഭക്തിതൻ മദമൊടാഴിയിലീയലു പോലവേ ചിത്രത്തിനു കടപ്പാട്: വിനോദ് ബാലകൃഷ്ണൻ പ്രിയ സഞ്ചാരികളേ, കേരളത്തിലേക്കു വരുവിൻ. ഞങ്ങൾ കേരളീയർ അതിഥിസൽക്കാരപ്രിയരാകുന്നു. ഞങ്ങൾക്കു ജീവിക്കാൻ പണം വേണം. അതിർത്തികടന്നുവരുന്ന വാഹനങ്ങൾ നിറയെ ആളുകൾ. പണസ്സഞ്ചികളിൽ നോട്ടുകൾ, നാണയങ്ങൾ. ഞങ്ങൾ കേരളീയർ വേദാന്തികളും

പഞ്ചാക്ഷരഭുജംഗം

2011-01-05T06:16:00.000-08:00

നഗത്തെക്കരത്തിൽദ്ധനുസ്സായ്ക്കുലയ്ക്കും ജഗദ്ധാത്രിയെത്തൻ മടിത്തട്ടിലേൽക്കും അഘത്തെത്തടുക്കും, മഖത്തെത്തുലയ്ക്കും, സുഖം നൽകുമെങ്ങൾക്കു വൈക്കത്തുചൊക്കൻ മണിക്കാളമേലേറി വെക്കം നടക്കും പിണക്കാട്ടിലന്തിയ്ക്കണിക്കൂത്തടിയ്ക്കും ഇണക്കും പ്രപഞ്ചം, ഭരിയ്ക്കും, മുടിക്കും തുണച്ചീടുമെങ്ങൾക്കു വൈക്കത്തുചൊക്കൻ ശിരസ്സിൽ ശശിക്കീറൊതുക്കിദ്ധരിക്കും കരിമ്പാമ്പിനെത്തൻ കഴുത്തിൽപ്പിണയ്ക്കും പുരത്തെക്കരിയ്ക്കും,

പലതും പറഞ്ഞു പകൽ

2010-12-31T23:56:00.000-08:00

ഗുരുമന്ദിരേശ, തവ നാമമോതുവാൻ വിരുതറ്റൊരെന്റെ കരിനാവിൽ നിൻ പ്രിയൻ കരുണാകരന്റെയപകീർത്തിയെത്രയും പിരിയാത്തതെന്തു നരകാന്തകാ ഹരേ << ശ്ലോകങ്ങൾ

ഒരു സമസ്യയും മൂന്നു പൂരണങ്ങളും

2010-12-31T23:55:00.000-08:00

ധർമ്മസാധനം ധർമ്മം നമുക്കന്യനൊടുള്ളപോലെയീ നമ്മോടുമുണ്ടെന്നു മറന്നിടായ്ക നാം ജന്മാഭിലാഷങ്ങളറുത്തെറിഞ്ഞിടായ്‌- കമ്മിഞ്ഞയിൽ നഞ്ഞുപുരട്ടുമമ്മപോൽ മനുഷ്യനൊരു ചരമഗീതം വന്മാരിയായ്‌, വ്യാധികളായ്‌, കുനാഭിയായ്‌, ഘർമ്മാതപം കൊണ്ടെരിയുന്ന വേനലായ്‌ നമ്മെത്തുലയ്ക്കാൻ മടിയാ ധരിത്രിയാ- ളമ്മിഞ്ഞയിൽ നഞ്ഞുപുരട്ടുമമ്മപോൽ (2010) ദൈവത്തിന്റെ സ്വന്തം പാനീയം കേരാഞ്ചിതേ, കേരളധാത്രി, നീ നറും കേരാമൃതത്തിൽ ചതിചേർ

ആട്ടിൻ‌കുട്ടി അക്ഷരജാലകത്തിന്റെ വർഷാന്തപട്ടികയിൽ

2010-12-15T17:41:00.000-08:00

തള്ളയെ അനുസരിക്കാത്ത ആട്ടിൻ കുട്ടിയുടെ സമ്പൂർണ്ണജീവിതകഥ കലാകൌമുദി വാരികയിലെ ശ്രീ. എം. കെ. ഹരികുമാർ തന്റെ അക്ഷരജാലകത്തിൽ ഈ വർഷത്തെ മികച്ച പതിനൊന്നു കഥകളുടെ പട്ടികയിൽ ഉൾപ്പെടുത്തിയിരിക്കുന്നു. അദ്ദേഹം എഴുതിയത്: പതിനൊന്നു കഥകൾ /2010 പോയവർഷം നടുക്കമുണ്ടാക്കുന്ന കഥകളൊന്നുമുണ്ടായില്ല. ചെറുകഥ എന്ന മാധ്യമത്തിന്റെ സാധ്യതകൾ ആരായുന്നതിനു പകരം നോവലുമായി താദാത്മ്യം പ്രാപിക്കാനാണ്‌ പലരും ശ്രമിക്കുന്നത്‌.

പരംപൊരുൾ

2010-12-09T18:15:00.001-08:00

ഹൃത്തിന്നൊത്ത വപുസ്സെടുത്തു കരിയായ്‌,ക്കാട്ടാളനായ്‌,ത്തെണ്ടിയാ- യർത്ഥം പേർത്തറിവാക്കിയും, കലഹമാർന്നും, മെയ്‌പകുത്തേകിയും മൂർദ്ധാവിങ്കലനർത്ഥവും കപടമായ്ക്കാത്തും ചിരം മാറുവോ- രർത്ഥം വാക്കിനൊടെന്നമട്ടുമയുമൊത്താടും പൊരുൾ കാക്കണം << ശ്ലോകങ്ങൾ

സായൂജ്യം

2010-12-09T18:15:00.000-08:00

ദുർവൃത്തന്മാരെയെല്ലാം ചിതമൊടു കൊലചെയ്തിട്ടു സ്വന്തം വപുസ്സിൻ ദിവ്യത്വത്തിൽക്കലർത്താൻ നരവടിവു ചമഞ്ഞില്ലയോ ദേവദേവൻ? അവ്വണ്ണം തന്നെയിക്കൈരളിയെ, യധമയെ, ത്തങ്ങളിൽച്ചേർക്കുവാനായ്‌ ചൊവ്വോടാവിർഭവിച്ചോരമരമൊഴികളെല്ലാറ്റിനും കൂപ്പണം നാം << ശ്ലോകങ്ങൾ

പ്രവാസിമാവേലിയുടെ പ്രസക്തി

2010-12-02T10:43:00.000-08:00

കുറിപ്പ് മലയാളനാടിൽ << തോന്നിയവാസം

കാളിദാസൻ

2010-11-30T06:43:00.000-08:00

ഭംഗമണയാതെ ജലരാശിയുടെ മീതേ ഭംഗതതിയെന്നപടിയിന്നിവനു നാക്കിൽ ഭംഗിതികയുന്ന മൊഴി തന്നുകനിയേണം ഭംഗുരതവിട്ടു വറുഗീസു ഗുരുനാഥൻ വിജയദശമികൾക്കു വിദ്യാരംഭം നടത്തുമ്പോഴും മറ്റും ഗുരുവിനെ സ്മരിക്കുമ്പോൾ മലയാളം അധ്യാപരുടെ മുഖങ്ങളേ മനസ്സിൽ വരാറുള്ളൂ. ഒന്നാം‌ക്ലാസിലെ മലയാളം പുസ്തകത്തിനെ ഒന്നാംപാഠം എന്നു വിളിച്ചുവളർന്ന എന്റെ തലമുറക്കാർക്ക് അതു സ്വാഭാവികമായിരിക്കണം. ഞങ്ങളുടെ ഹൈസ്കൂളിൽ താരപരിവേഷമുള്ള രണ്ടു മലയാളം

വാണി

2010-10-08T22:32:00.000-07:00

ഖിന്നജനതോഷിണി, സുധാസരസവാണീ, സന്നതരമാദിരമണീ, ജലദവേണീ, നിന്നുടെ കഴൽ പണിയുമെൻ മനസി ചേണിൽ പൊന്നൊളി നിറന്ന മൊഴിയായ് വരിക വാണീ << ശ്ലോകങ്ങള്‍

എഴുത്തുകാരൻ

2010-09-26T15:03:00.000-07:00

പാണിയിലെയാണി പനയോലയൊടു ചേർത്തും വേണുവൊടെതിർത്ത കവിവാണി ചെകിടോർത്തും ത്രാണിയിയലും ധിഷണകൊണ്ടു പൊരുളോർത്തും വാണരുളണം ഹൃദി ഗണേശനൊളിചീർത്തും << ശ്ലോകങ്ങൾ

എന്തുചെയ്യുംകിളിപ്പാട്ട്‌

2010-08-21T08:06:00.000-07:00

കവിത ബൂലോകകവിത ഓണപ്പതിപ്പിൽ << കവിതകൾ

പഴയ താളുകൾ - അഞ്ച്

2010-08-07T07:56:00.000-07:00

സിനിമ രണ്ടായിരാമാണ്ടിൽ എന്ന വിഷയത്തെപ്പറ്റി ഓഡിയോ വിഷ്വൽ ക്ലബ്ബ് നടത്തിയ ലേഖനമത്സരത്തിൽ സമ്മാനം കിട്ടിയ ലേഖനം കോളജ് മാഗസീനിൽ പ്രസിദ്ധീകരിച്ചത്. പേജുകൾ സ്കാൻ ചെയ്ത് പ്രസിദ്ധീകരിച്ച യു. എ. ഇ. അലൂംനി സുഹൃത്തുക്കൾക്കു നന്ദി.

പഴയ താളുകൾ - നാല്

2010-08-05T22:24:00.000-07:00

തണുപ്പ് എന്ന കഥ കോളജ് മാഗസീനിൽ പ്രസിദ്ധീകരിച്ചത്. ചിത്രീകരണം: ജോസ് കെ. പോൾ. പേജുകൾ സ്കാൻ ചെയ്ത് പ്രസിദ്ധീകരിച്ച യു. എ. ഇ. അലൂംനി സുഹൃത്തുക്കൾക്കു നന്ദി.

പഴയ താളുകൾ - മൂന്ന്

2010-08-03T22:13:00.000-07:00

അംഗനയെന്നു വിളിക്കട്ടെ നിന്നെ ഞാൻ എന്ന കഥ കോളജ് മാഗസീനിൽ പ്രസിദ്ധീകരിച്ചത്. ചിത്രീകരണം: ഷജിൽ പി. ആർ. കഥയുടെ അവസാനത്തിൽ എന്റെ അനുവാദം കൂടാതെ മാറ്റം വരുത്തി എന്നത് കുറെക്കാലത്തെ അമർഷത്തിനു കാരണമായിരുന്നു. ഒരു കഥാകാരൻ കൂടിയായ സ്റ്റാഫ് എഡിറ്ററായിരുന്നു മാറ്റങ്ങൾ വരുത്തിയതെന്നു സ്റ്റുഡന്റ് എഡിറ്റർ പറഞ്ഞെങ്കിലും പിൽക്കാ‍ലത്ത് അറിയപ്പെടുന്ന കഥാകാരനായി മാറിയ സ്റ്റുഡന്റ് എഡിറ്ററുടേതാണ്

പഴയ താളുകൾ - രണ്ട്

2010-08-03T02:10:00.000-07:00

പരീക്ഷിത്തുകളുടെ വിധിയെന്ത്? എന്ന കഥ കോളജ് മാഗസീനിൽ പ്രസിദ്ധീകരിച്ചത്. പേജുകൾ സ്കാൻ ചെയ്ത് പ്രസിദ്ധീകരിച്ച യു. എ. ഇ. അലൂംനി സുഹൃത്തുക്കൾക്കു നന്ദി.

പഴയ താളുകൾ - ഒന്ന്

2010-08-01T22:02:00.000-07:00

പഴയ കോളജ് മാഗസീനിൽനിന്നുള്ള പേജുകൾ സ്കാൻ ചെയ്ത് പ്രസിദ്ധീകരിച്ച യു. എ. ഇ. അലൂംനി സുഹൃത്തുക്കൾക്കു നന്ദി. ഇവിടെക്കാണുന്ന സഹപാഠികളിൽ ചിലരൊക്കെ ഇന്ന് അറിയപ്പെടുന്നവരാണ്: ബിജു ഡി. എന്ന ബിജു ധനപാലൻ ഇന്ന് ഹിന്ദി സിനിമയിൽ വിഷ്വൽ ഇഫക്റ്റ്സ് ഡയറക്ടറാണ്‌. എം. ജയചന്ദ്രൻ പ്രശസ്ത സംഗീതസംവിധായകൻ കവി അനിതാ തമ്പി ജോസ് കെ. പോൾ ഇപ്പോഴും ചിത്രങ്ങൾ വരയ്ക്കുന്നുണ്ട്

ശേഖരന്മാരുടെ ശ്രദ്ധയ്ക്ക്

2010-05-26T18:15:00.000-07:00

അപൂർവവസ്തുക്കൾ ശേഖരിക്കുന്നതിൽ താത്പര്യമുള്ള കളക്ടർ(തുക്കിടിസായ്‌വ് അല്ല)മാരുടെ പ്രത്യേകശ്രദ്ധയ്ക്ക്: അത്യപൂർവമായ ഒരു മലയാള ആനുകാലികം എന്റെ കൈവശമുണ്ട്. ഇത്തരം സാധനങ്ങളുടെ വിലയറിയാവുന്നവരിൽ നിന്ന് ലേലത്തുകകൾ ക്ഷണിക്കുന്നു. ഇരുപത്തൊന്നാം നൂറ്റാണ്ടിൽ (2000 മുതൽ ഇന്നുവരെ) പ്രസിദ്ധീകരിക്കപ്പെട്ട മലയാളസാംസ്കാരികപ്രസിദ്ധീകരണങ്ങളിൽ ഇത്തരത്തിൽ‌പ്പെട്ട ഒരേയൊരു ലക്കം മാത്രമേ നിലവിലുള്ളൂ. മാസങ്ങൾ

ആട്ടിൻ‌കുട്ടി ഭാഷാപോഷിണിയിൽ

2010-05-13T17:01:00.000-07:00

തള്ളയെ അനുസരിക്കാത്ത ആട്ടിൻ‌കുട്ടിയുടെ സമ്പൂർണ്ണജീവിതകഥ ഭാഷാപോഷിണിയുടെ ഏപ്രിൽ ലക്കത്തിൽ പ്രസിദ്ധീകരിച്ചിരിക്കുന്നു. കോപ്പി ഇവിടെ കാണാം. എച്ച്.ടി.എം.എൽ ഇവിടെ. അച്ചടിച്ചുവന്ന കഥയെപ്പറ്റി നല്ലവാക്കുകൾ പറഞ്ഞ ഡോ: ബി. ഇക്ബാൽ, ശ്രീ എം. കെ. ഹരികുമാർ തുടങ്ങിയവർക്കു നന്ദി. << കഥകൾ

തണുപ്പ്

2010-05-09T23:55:00.000-07:00

തണുപ്പ് എന്ന കഥ തർജ്ജനിയിൽ.<< കഥകൾ

നാടോടുമ്പോൾ

2010-04-29T23:05:00.001-07:00

(പ്രമോദിന്റെ കവിതയ്ക്ക്‌ ഒരു പ്രതികരണം)പുരുഷകേസരിക്കൂട്ടംനാരിമാരെ മുറപോലെകരുത്തോടെ ഭരിക്കുന്നൊ-രിടത്തുപോയികുടിക്കാനായ്‌ തരുണികൾപബ്ബുകളിൽ കയറിയാൽതടിയ്ക്കും തന്റേടത്തിനുംകുഴപ്പമാകാം****മനുഷ്യദൈവത്തെ വാഴ്ത്തിസ്തുതിച്ചു സന്തുഷ്ടരായിമനുഷ്യന്മാർ വസിക്കുന്നസ്ഥലത്തുപോയിഅവരുടെ തലയ്ക്കുള്ളിൽവെളിവു നൽകുവാൻ പോയാൽഅവന്റെ കാര്യവും തെല്ലുപരുങ്ങലാകാം****സവർണ്ണന്മാർ അവർണ്ണനെനിലയ്ക്കുനിർത്തുവാൻ

ആരവത്തിൽനിന്നു മോചനം

2010-04-12T16:17:00.001-07:00

കൊതുകു ചെവിയിൽ മൂളിക്കൊണ്ടിരിക്കുമ്പോൾ ഉറക്കം പിടിക്കാൻ കഴിവുള്ളവരോട്‌ അസൂയ തോന്നാറുണ്ട്‌. ടിവി കണ്ടുകൊണ്ട്‌ സംസാരിക്കാൻ പറ്റുന്നവരോടും പാട്ടുകേട്ടുകൊണ്ട്‌ കമ്പ്യൂട്ടറിൽ പണിചെയ്യാൻ കഴിയുന്നവരോടും പുസ്തകം വായിച്ചുകൊണ്ടു ഭക്ഷണം കഴിക്കാൻ കഴിയുന്നവരോടും സെൽ ഫോണിൽ സംശാരിച്ചുകൊണ്ടു വണ്ടിയോടിക്കാൻ കഴിയുന്നവരോടും ഉണ്ട്‌ അസൂയ. അവസാനം പറഞ്ഞ കൂട്ടരെ ശിക്ഷിക്കാൻ ഈയിടെ നിയമം വന്നിട്ടുണ്ട്‌.

ഉചിതമായ ചിഹ്നം ചേർത്തെഴുതുക

2010-03-31T23:25:00.000-07:00

ഒന്ന്എം. എഫ്‌. ഹുസൈൻ: ബുദ്ധനേ, ബുദ്ധനേ...ബുദ്ധൻ: എന്താടാ നായിന്റെ മോനേ കരയുന്നത്‌?ഹുസൈൻ: എന്തിനാ ബുദ്ധനേ ഈ സവർണ്ണഫാസിസ്റ്റ്‌ശക്തികൾ എന്നെ ഇങ്ങനെ പീഡിപ്പിക്കുന്നത്‌?ബുദ്ധൻ: സത്യം! അതു കടുത്ത അനീതി തന്നെ. നീ പണ്ടെങ്ങാണ്ടു വരച്ച ഒരു പടത്തിന്റെ പേരിൽ ഈ ചെയ്യുന്നതു കടുംകൈ തന്നെ. ഞാൻ എന്നും ആവിഷ്കാരസ്വാതന്ത്ര്യത്തിന്റെ പക്ഷത്താണ്‌. നീ കരയാതെ. ഞാൻ ശക്തിയായി അപലപിച്ചുകൊണ്ട്‌ ഒരു പ്രസ്താവന

പാവപ്പെട്ടവരുടെ ഝുംപാലാഹിരി

2010-01-23T02:48:00.000-08:00

ചരിത്രം പഠിക്കാത്തവർ അത്‌ ആവർത്തിക്കാൻ ശപിക്കപ്പെട്ടിരിക്കുന്നു എന്നതുപോലെ തന്നെയല്ലേ സാഹിത്യത്തിന്റെയും കാര്യം?ഒരു പ്രശസ്തസാഹിത്യകാരനെ തക്കത്തിൽക്കിട്ടിയപ്പോൾ ആരും ചെയ്യുന്നതേ ഞാനും ചെയ്തുള്ളൂ. ഒരു കഥ വായിക്കാൻ കൊടുത്തിട്ട്‌ അഭിപ്രായം പറയിച്ചു. കഥയൊക്കെ നന്നായിട്ടുണ്ടെന്നു പറഞ്ഞിട്ട്‌ അദ്ദേഹം പറഞ്ഞു, ഈ പ്രമേയം മലയാളത്തിൽ പുതിയതല്ല. അല്ലേ? ഞാൻ അത്ഭുതപ്പെട്ടു. മലയാളത്തിൽ എഴുതപ്പെടുന്നതൊന്നും

കോൾമയിരിന്റെ ഉപയോഗം

2010-01-04T12:47:00.000-08:00

കോൾമയിരിന്റെ ഉപയോഗം എന്ന കവിത തർജ്ജനിയിൽ.<< കവിതകൾചിത്രത്തിനു കടപ്പാട്: വിക്കിമീഡിയ

കാമകൂടോപനിഷത്ത്

2009-12-20T00:29:00.000-08:00

ചിത്രത്തിനു കടപ്പാട്: ശുഭപ്രസിദ്ധീകരണം പുനരാരംഭിച്ചിരിക്കുന്ന മൂന്നാമിടം വാരികയിൽ സർജുവുമായുള്ള അഭിമുഖവും നീണ്ടകഥ കാമകൂടോപനിഷത്തും കാണുക.അഭിമുഖംകാമകൂടോപനിഷത്ത് അദ്ധ്യായം 1-3കാമകൂടോപനിഷത്ത് അദ്ധ്യായം 4-6കാമകൂടോപനിഷത്ത് അദ്ധ്യായം 7-10കാമകൂടോപനിഷത്ത് അദ്ധ്യായം 11-13 കാമകൂടോപനിഷത്ത് അദ്ധ്യായം 14-15ഈ നീണ്ടകഥ ആദ്യം പ്രസിദ്ധീകരിച്ചത് സമകാലികമലയാളം വാരികയുടെ 2009 ഓണപ്പതിപ്പിൽ.ഈ കഥയ്ക്കുവേണ്ട പല

ലാ ലൂണാ: പൂനിലാവുദിക്കുമ്പോൾ

2009-10-24T02:35:00.000-07:00

ചിത്രത്തിനു കടപ്പാട്: johncarneyഞാൻ പണിചെയ്യുന്ന സ്ഥാപനത്തിലെ ഇടനാഴികളിൽ കണ്ടുമുട്ടുന്ന മുഖങ്ങളിൽ ഹൃദ്യമായി ചിരിക്കുന്നവരും പരിചയഭാവം നടിയ്ക്കുന്നവരും മുതൽ മുഖത്തു നോക്കാത്തവരും അനിഷ്ടത്തോടെ മുഖം തിരിച്ചുപോകുന്നവരും വരെ വിവിധതരക്കാരുണ്ട്‌. അവരിൽ ഒരാളാണ്‌ അയാൾ. അവഗണിയ്ക്കപ്പെടുന്നതു ശീലമായതുകൊണ്ട്‌ മുഖത്തുനോക്കണ്ട ആവശ്യമില്ലെന്ന മട്ടിൽ ഭാവഭേദമില്ലാതെ കടന്നുപോകുന്ന ഒരു മനുഷ്യൻ. നീണ്ടുമെലിഞ്ഞ

faയോടൊപ്പം ആരുണ്ട്‌?

2009-09-23T17:19:00.000-07:00

രാസമൂലകങ്ങളുടെ ആവർത്തനപ്പട്ടിക ഇന്നു നാം കാണുന്ന രൂപത്തിലായത്‌ ഏറെക്കാലത്തെ പരിണാമത്തിലൂടെയാണത്രേ. ഭാഷയിലെ ശബ്ദങ്ങളുടെ ആവർത്തനപ്പട്ടികയെന്നു വിളിക്കാവുന്ന അക്ഷരമാലയും അത്തരമൊരു പരിണാമത്തിനു വഴങ്ങുമോ? അതോ അത്തരമൊരു ശ്രമം ലിപിപരിഷ്കരണം പോലെ ഭാഷയുടെ മരണത്തിലേക്കു നയിക്കുമെന്ന് അഭിപ്രായമുള്ളവരുണ്ടാകുമോ?നാം പരിചയിച്ചിരിക്കുന്ന മലയാളം അക്ഷരമാല സംസ്കൃതത്തിൽ നിന്ന്, മറ്റു മിക്ക ഭാരതീയഭാഷകളെയും പോലെ

ഝാർഖണ്ഡിനെപ്പറ്റി ഒരക്ഷരം മിണ്ടരുത്‌

2009-09-19T02:36:00.000-07:00

ഝയെ ഓർമ്മയില്ലേ? മൈഥിലി ഭാഷ പറഞ്ഞ്‌, എരുമപ്പാലു കുടിച്ച്‌ ബിഹാറിലെങ്ങാണ്ടു കിടന്ന ഏതോ ഝായുടെ കാര്യമല്ല, നമ്മുടെ സ്വന്തം ഝ എന്ന അക്ഷരം. ചവർഗ്ഗത്തിലെ ഘോഷം. എന്തായിരുന്നു ഒരു പ്രതാപം! ഝഷകേതനൻ കൊടികുത്തിവാണിരുന്ന മണിപ്രവാളകാലത്ത്‌ ഝടിതി ഝണഝണക്വാണം മുഴക്കാൻ കവികൾ നിരന്തരം ഝയെ ആശ്രയിച്ചിരുന്നു. ചങ്ങമ്പുഴക്കാലത്തെ സംഗീതനിർഝരിയിൽ ഝല്ലീഝംകാരമുതിർത്തവരും തേടിയെത്തിയതു ഝയെ തന്നെയായിരുന്നു. നീലകണ്ഠൻ

വിക്കിയിലെ മണ്ടത്തരങ്ങള്‍

2009-08-18T18:24:00.001-07:00

പണ്ട്‌ പൂമ്പാറ്റയില്‍ വായിച്ച കഥയാണ്‌:ഒരിടത്ത്‌ ഒരു ചിത്രകലാവിദ്യാര്‍ത്ഥിയുണ്ടായിരുന്നു. അയാള്‍ വരയ്ക്കുന്ന ചിത്രങ്ങളിലെ തെറ്റുകുറ്റങ്ങള്‍ മനസ്സിലാക്കിക്കൊടുത്ത്‌ ഗുരു അയാളെ ഒരു മികച്ച ചിത്രകാരനാക്കിത്തീര്‍ത്തു. ഒടുവില്‍ ഒരു ദിവസം, ശിഷ്യന്റെ പുതിയ ചിത്രം കണ്ട ഗുരു പറഞ്ഞു: "എന്റെ അറിവില്‍ പെട്ടിടത്തോളം, ഈ ചിത്രത്തിന്‌ എന്തെങ്കിലും കുറവു പറയാനില്ല. എനിക്കറിയുന്നതെല്ലാം നിനക്കു പഠിപ്പിച്ചുതരാന്‍

കൊച്ചുകള്ളി

2009-07-22T17:22:00.000-07:00

ജ്ഞാനപീഠം കിട്ടിക്കഴിഞ്ഞ്‌ നോബല്‍ സമ്മാനം കിട്ടുന്നതിനു മുമ്പു പ്രസിദ്ധീകരിക്കുന്ന സമാഹാരത്തില്‍ ഉള്‍പ്പെടുത്താനുള്ള ഉദ്ദേശത്തോടെ ഞാന്‍ കുറച്ചുനാള്‍ മുമ്പ്‌ ഒരു കഥയെഴുതിയിരുന്നു. അയച്ചുകൊടുത്താലുടന്‍ ആനുകാലികങ്ങള്‍ അപ്പോള്‍ അച്ചടിച്ചുകൊണ്ടിരിക്കുന്ന ലക്കം നിറുത്തിവെച്ച്‌ അതുള്‍പ്പെടുത്തുമെന്ന വിശ്വാസത്തോടെ ഞാന്‍ മലയാളത്തിലെ പ്രമുഖപ്രസിദ്ധീകരണങ്ങള്‍ക്ക്‌ അയച്ചുകൊടുക്കുകയും ചെയ്തു. അവയെല്ലാം കഥ

അതും ഇംഗ്ലീഷായി

2009-07-13T11:26:00.000-07:00

ഫോട്ടോ കടപ്പാട്‌: കേരളകൗമുദിഭരണത്തിന്റെയും മരണവേദനയുടെയും പ്രേമത്തിന്റെയും ഭാഷ ഇംഗ്ലീഷായപ്പോഴും ഇത്‌ ഇത്ര പെട്ടെന്നുണ്ടാകുമെന്നു പ്രതീക്ഷിച്ചില്ല. കുട്ടികള്‍ക്കുള്ള വാരികകളിലെ കളികളില്‍ പലതും ഇംഗ്ലീഷായപ്പോഴും സ്കൂളില്‍ മലയാളം പറഞ്ഞാല്‍ കുട്ടിയ്ക്ക്‌ പിഴയടയ്ക്കേണ്ടി വരുമെന്നു വന്നപ്പോഴും ടെലിവിഷന്‍ ചാനലില്‍ മലയാളം പറഞ്ഞാല്‍ അവതാരകര്‍ക്ക്‌ പണിതെറിയ്ക്കുമെന്നു വന്നപ്പോഴും സര്‍വ്വകലാശാലതലത്തില്‍

അമ്മക്കഥ

2009-06-02T23:22:00.000-07:00

അമ്മൂമ്മക്കഥ കേട്ടു വളര്‍ന്നതിനെപ്പറ്റി കൊതിയോടെ ഓര്‍മ്മിക്കുന്ന ആരും അമ്മക്കഥയെപ്പറ്റി വാചാലരാവുന്നതു കേട്ടിട്ടില്ല. അമ്മമാര്‍ മിക്കവാറും അടുക്കളയില്‍ത്തന്നെ ആയിരുന്നതുകൊണ്ടാവുമോ എന്തോ? അമ്മമാര്‍ പറയുന്ന കഥകളിലെ കരിയ്ക്കും ചളിയ്ക്കും കയ്പും കണ്ണുനീരിനും വിയര്‍പ്പിനും ഉപ്പും കൂടുതലായിപ്പോയേക്കുമെന്നു ഭയന്ന് നമ്മള്‍ ചെവികൊടുക്കാതിരുന്നതായിരിക്കുമോ? ഹൈസ്കൂളില്‍ പഠിക്കുമ്പോള്‍ മാധവിക്കുട്ടിയുടെ '

വിധിയുടെ തിരുത്ത്‌

2009-05-18T16:56:00.000-07:00

വാനില്‍ത്തിങ്ങിന ഗോളതാരനിരതന്‍ നീക്കങ്ങളില്‍ ജ്യോത്സ്യനുംവേണും കാട്ടുചെടിക്കറക്കലവികള്‍ക്കുള്ളില്‍ ഭിഷഗ്വര്യനുംകാണുന്നുണ്ടു കണക്കുകൂട്ടലുകളാല്‍ നീണാര്‍ന്ന വാഴ്‌വെങ്കിലുംകാണാക്കൈയുകളാല്‍ക്കിഴിപ്പു ഞൊടികൊണ്ടാ രണ്ടിനേയും വിധിഎ. ആര്‍. രാജരാജവര്‍മ്മയുടെ "ഗണയതി ഗണകഃ" എന്ന ശ്ലോകത്തിന്റെ മൊഴിമാറ്റം.<< ശ്ലോകങ്ങള്‍

മലയാളം ബ്ലോഗറെ തടഞ്ഞതില്‍ പ്രതിഷേധിക്കുക

2009-05-07T10:55:00.000-07:00

പ്രിയപ്പെട്ട മലയാളം ബൂലോഗവാസികളേ, നമ്മളെപ്പോലെ മലയാളത്തില്‍ ബ്ലോഗെഴുതുന്ന മുഹമ്മദ്‌ കുട്ടി ഇസ്മായില്‍ പനിപ്പറമ്പില്‍ എന്നയാളെ ന്യൂ യോര്‍ക്ക്‌ വിമാനത്താവളത്തില്‍ അമേരിക്കന്‍ സുരക്ഷാ ഉദ്യോഗസ്ഥര്‍ തടഞ്ഞുവെച്ചതില്‍ പ്രതിഷേധിക്കാന്‍ ഞാനിതാ നിങ്ങളെ ആഹ്വാനം ചെയ്യുന്നു. മമ്മൂട്ടി എന്ന പേരില്‍ ഈയിടെ മാത്രം ബ്ലോഗെഴുതാന്‍ തുടങ്ങിയ ഇയാളെ പിന്തുണയ്ക്കേണ്ടത്‌ മലയാളബൂലോഗത്തിലെ തലമൂത്ത അംഗങ്ങളെന്ന നിലയില്‍

സാമ്പത്തികത്തകര്‍ച്ചയുടെ സാദ്ധ്യതകള്‍

2009-04-22T15:55:00.000-07:00

ഒരു പഴങ്കഥയാണ്‌. ചരിത്രം ഓഹരിവിപണിപോലെ മുമ്പോട്ടു മാത്രമാണു സഞ്ചരിക്കുന്നതെന്നു വിശ്വസിക്കുന്നവര്‍ക്കും, അല്ല വട്ടത്തില്‍ കറങ്ങിക്കൊണ്ടിരിക്കുകയാണെന്നു തോന്നുന്നവര്‍ക്കും, അതുമല്ല നിന്ന നില്‌പില്‍ ആടുകമാത്രമാണെന്നു ശങ്കിക്കുന്നവര്‍ക്കുമെല്ലാം ഇതു വായിച്ചു രസിക്കാവുന്നതാണ്‌.വില്യം ഷൈറര്‍ എഴുതിയ "മൂന്നാം സാമ്രാജ്യത്തിന്റെ ഉയര്‍ച്ചയും പതനവും" എന്ന പുസ്തകത്തില്‍നിന്ന് ഒരു ഭാഗം:1929 അവസാനം ഒരു

വാക്കുകള്‍

2009-03-29T15:50:00.000-07:00

വാക്കുകള്‍ ബന്ധിക്കുന്നു വള്ളികള്‍ കണക്കെന്നെ,വള്ളികള്‍ കണക്കവ പിണഞ്ഞു ഞെരിക്കുന്നു, പെരുമ്പാമ്പിനെപ്പോലെ.പെരുമ്പാമ്പിനെപ്പോലെന്‍ ചെവിയില്‍ ചീറുന്നവ മോഹനരഹസ്യങ്ങള്‍.വാക്കുകള്‍ ബന്ധിക്കുന്നു ചങ്ങലകണക്കെന്നെ,കൈകളും കാലുമവ വരിഞ്ഞുമുറുക്കുന്നു, ആമപ്പൂട്ടിനെപ്പോലെ.ആമപ്പൂട്ടിനെപ്പോലെ ദ്രവിയ്ക്കാ,തഴുകാതെ, നിത്യത കണക്കവ.നിത്യത കണക്കവ എന്നെന്നും എന്നോടൊപ്പം തീരാതെ ജീവിക്കുന്നു.വാക്കുകള്‍ വരിഞ്ഞെന്നെ

ചണ്ഡാലഫെമിനിസ്റ്റ്‌

2009-03-17T17:13:00.000-07:00

"ക്ഷമിക്കണം. സുന്ദരനായ നിങ്ങളെ നിരാശപ്പെടുത്തേണ്ടി വരുന്നതില്‍ വിഷമമുണ്ട്‌. പക്ഷേ, നിങ്ങളുടെ ഔദ്ധത്യം നിറഞ്ഞ പെരുമാറ്റം എനിക്കു സഹിക്കാവുന്നതിലും അപ്പുറമാണ്‌. പെണ്ണ്‌ ആണിന്റെ ആവശ്യങ്ങള്‍ നിറവേറ്റാനുള്ള ഉപകരണമാണെന്നു വിശ്വസിക്കുന്ന ആണ്‍കോയ്മയാവാം നിങ്ങളുടെ മനസ്സില്‍. അല്ലെങ്കില്‍, ദലിതര്‍ സവര്‍ണ്ണന്റെ ആജ്ഞാനുവര്‍ത്തികളാണെന്നുള്ള ധാരണയാവാം. രണ്ടായാലും, നിങ്ങള്‍ക്കു വെള്ളം കോരിത്തരാന്‍ എനിക്കു

റാവുസാഹേബ്‌, ഷെവലിയര്‍, ശാന്തി, ഓസ്കര്‍

2009-02-24T17:26:00.001-08:00

ആധിപത്യങ്ങള്‍ ഉണ്ടായിവരുന്ന സമയത്ത്‌ മാനുഷരെല്ലാരും ഏറെക്കുറെ ഒന്നുപോലെയാണ്‌. കൂടെക്കൂടാന്‍ തയ്യാറുള്ളവരെയെല്ലാം ബാന്‍ഡുവാഗണിലേക്കു കയറ്റിയിരുത്തും. അതു കഴിഞ്ഞ്‌, ആധിപത്യം സ്ഥാപിച്ചു കഴിയുമ്പോഴാണ്‌, തലപ്പത്തിരിക്കുന്നവര്‍ക്ക്‌ അവിടുത്തെ സ്ഥാനം ഉറപ്പുവരുത്താന്‍ വേണ്ടി ഒഴിവാക്കല്‍ തുടങ്ങുന്നത്‌. യോഗ്യതയ്ക്കു പുതിയ മാനദണ്ഡങ്ങള്‍ വരും. ജാതികൊണ്ടും ഉപജാതികൊണ്ടും ജന്മം കൊണ്ടും കര്‍മ്മംകൊണ്ടും തൊലിനിറം

ലാപുടയുടെ കൂടെ

2009-02-18T21:49:00.000-08:00

ലാപുടയുടെ കൂടെ ഏതു കവികളുടെ പേരു പരാമര്‍ശിക്കാം? ഉത്തരം പറയാന്‍ വരട്ടെ. നമുക്ക്‌ ഭാഷയും സാഹിത്യവും പഠിപ്പിക്കുന്ന, അറിവുള്ള ആരോടെങ്കിലും ചോദിച്ചാലോ? യേത്‌? സമ്മര്‍ദ്ദം. രക്തസമ്മര്‍ദ്ദം. ബൂലോകസമ്മര്‍ദ്ദം. ഇനിയും കവിതയെഴുതേണ്ടിവരുമോ? കവിത വായിക്കേണ്ടിവരുമോ? കവിത വായിച്ചാല്‍ മനസ്സിലാവുന്ന ഒരാളാണെന്നു നടിക്കേണ്ടിവരുമോ? കവികളുമായി സൗഹൃദം സ്ഥാപിക്കേണ്ടി വരുമോ? ലാപുടയുടെ 'നിലവിളിയെക്കുറിച്ചുള്ള

എന്തരോ മഹാനുഭാവുലു - പദപ്രശ്നം ഉത്തരങ്ങളും പുരസ്കാരദാനവും

2009-01-12T17:32:00.000-08:00

ഒരു മാസം നീണ്ടുനിന്ന പദപ്രശ്നമത്സരത്തില്‍ പങ്കെടുത്ത 15 പേര്‍ക്കും നന്ദി. പങ്കെടുത്തവര്‍ മൊത്തത്തില്‍ത്തന്നെ വളരെക്കുറച്ചു തെറ്റുകളാണു വരുത്തിയത്‌ എന്നത്‌ ശ്രദ്ധേയമാണ്‌. അഞ്ചുപേരാണ്‌ മുഴുവന്‍ ശരിയായ പൂരണങ്ങള്‍ അയച്ചത്‌. ഇവര്‍ ആജീവനാന്തം പദശേഖരന്മാരും ശേഖരികളുമായി അറിയപ്പെടും. ഒരോ കൊച്ചുതെറ്റുകളുടെ പേരില്‍ കൊച്ചുത്രേസ്യ, പാഞ്ചാലി, മാരാര്‍ എന്നിവര്‍ക്ക്‌ പദപ്രതിഭാപുരസ്കാരം കൊണ്ടു

കഥയുടെ അവതാരരഹസ്യങ്ങള്‍

2008-12-31T11:43:00.000-08:00

പുരാണകഥകളുടെയും ആചാരാനുഷ്ഠാനങ്ങളുടെയും കവിതയുടെയും പണ്ഡിതനും മികവുറ്റ കഥപറച്ചിലുകാരനും ചെണ്ടകൊട്ടുകാരനുമാണ്‌ മൈക്കല്‍ മീഡ്‌. അദ്ദേഹം പറഞ്ഞ മുത്തശ്ശിക്കഥകളുടെ സമാഹാരമായ ജീവജല(The Water of Life)ത്തില്‍ കഥകള്‍ക്കിടയില്‍ പ്രത്യക്ഷപ്പെടുന്ന ചില വിചാരങ്ങള്‍:***കഥയ്ക്കുള്ളിലേക്കുള്ള വഴി കണ്ടുപിടിക്കാന്‍ വിശദാംശത്തെ വേണം പിന്തുടരാന്‍. അഥവാ, വിശദാംശം വന്നു വിളിയ്ക്കുമ്പോള്‍ കൂടെപ്പോകണം. കഥ മുഴുവന്‍

ജോര്‍ജ്ജുകുട്ടീ, വിട്ടോടാ

2008-12-21T00:25:00.000-08:00

അമേരിക്കന്‍ പടങ്ങളില്‍ ഏറ്റവുമധികം ആവര്‍ത്തിക്കുന്ന വാചകം "ലെറ്റ്‌'സ്‌ ഗെറ്റ്‌ ഔട്ടാ ഹിയര്‍" ആണെന്ന് ഗിന്നസ്‌ ബുക്സുകാരുടെ പ്രസിദ്ധീകരണമായ 'ഫിലിം ഫാക്റ്റ്‌സ്‌' പറയുന്നു. 1938 മുതല്‍ 85 വരെ ഉണ്ടായ 350 പടങ്ങള്‍ പരിശോധിച്ചതില്‍ നിന്ന്, 81 ശതമാനത്തിലും ഈ പ്രയോഗം ഒരുതവണയെങ്കിലും ഉണ്ടായിരുന്നെന്നും 17 ശതമാനത്തില്‍ ഒന്നിലധികധികം തവണയുണ്ടായിരുന്നെന്നും പറയുന്നു. അമേരിക്കക്കാര്‍ക്ക്‌ ഈ പ്രയോഗത്തോടുള്ള

ബ്ലോഗെഴുതാതിരിക്കാനുള്ള ഉപായങ്ങള്‍

2008-12-20T23:55:00.001-08:00

എഴുത്തും മറ്റു സര്‍ഗ്ഗപരിപാടികളും ഒഴിവാക്കാന്‍ ആഗ്രഹിക്കുന്ന എല്ലാവരും വായിച്ചിരിക്കേണ്ട ഒരു പുസ്തകമാണ്‌ Julia Cameronന്റെ How to Avoid Making Art (or Anything Else You Enjoy). ആ പുസ്തകത്തിന്റെ വെളിച്ചത്തില്‍, ബ്ലോഗെഴുതാതിര്‍ക്കാന്‍ ഞാന്‍ ഉപയോഗിക്കുന്ന ചില മാര്‍ഗ്ഗങ്ങള്‍ ഇതാ:1. ആഴ്ചയില്‍ രണ്ടു പോസ്റ്റെങ്കിലും ഇടാന്‍ കഴിഞ്ഞില്ലെങ്കില്‍ എഴുതില്ലെന്നു പ്രതിജ്ഞയെടുക്കുക.2. എഴുതാനിരിക്കുന്ന പോസ്റ്റിനെ

പദപ്രശ്നമത്സരം, ആകര്‍ഷകമായ സമ്മാനങ്ങള്‍

2008-12-09T05:19:00.000-08:00

പുതുവര്‍ഷത്തിലേക്ക്‌ ഒരു പദപ്രശ്നം. ഇമേജില്‍ ക്ലിക്കി വലുതാക്കുക.നിയമങ്ങള്‍:1) 2009 ജനുവരി 9 വരെ (ഒരു മാസം) മത്സരം നടക്കും. ജനുവരി 15-നു മുമ്പ്‌ സമ്മാനാര്‍ഹരെ പ്രഖ്യാപിക്കും.2) പൂരണങ്ങള്‍ കമന്റായി ഇടുക.3) തല്‍ക്കാലത്തേക്ക്‌ കമന്റ്‌ മോഡറേഷന്‍ ഓണ്‍ ചെയ്തിരിക്കുന്നു. പൂരണങ്ങള്‍ അല്ലാത്ത കമന്റുകള്‍ വൈകാതെ പ്രകാശിപ്പിക്കും.4) ഒരാള്‍ക്ക്‌ എത്രവേണമെങ്കില്‍ പൂരണങ്ങള്‍ അയയ്ക്കാം. (വേറെ പണിയൊന്നും ഇല്ലേ?)5

വിരസചുംബനത്തിന്റെ പക്ഷത്തുനിന്ന്

2008-12-02T13:38:00.000-08:00

രാക്ഷസനില്‍ നിന്നു 'രാ', ദുഷ്ടില്‍ നിന്നു 'ഷ്ട', പീറയില്‍ നിന്നു 'റ', ഈച്ചയില്‍ നിന്ന് 'ഈ', മായത്തില്‍ നിന്ന് 'യം' എന്നിങ്ങനെയാണ്‌ 'രാഷ്ട്രീയ'ത്തിന്റെ ചേരുവകള്‍ തന്റെ (അ)രാഷ്ട്രീയകവിതകളുടെ സമാഹാരമായ 'രാഷ്ട്രീയ'ത്തില്‍ കവി കുഞ്ഞുണ്ണി വേര്‍തിരിച്ചെടുക്കുന്നത്‌. കക്ഷിരാഷ്ട്രീയത്തിന്റെ ജീര്‍ണ്ണതയെക്കുറിച്ചും ഭരണത്തിലെ അഴിമതിയെക്കുറിച്ചും പറഞ്ഞു പഴകിയ അറിവുകളെ പറഞ്ഞുരസിക്കാന്‍ പറ്റിയ ചൊല്ലുകളും

യന്ത്രങ്ങളുടെ രാജാവ്‌

2008-11-11T10:34:00.000-08:00

കഥ സമകാലികമലയാളം വാരികയില്‍<< മറ്റു കഥകള്‍

ചുവന്ന കുഞ്ഞിക്കോഴി

2008-10-01T18:19:00.000-07:00

പോര്‍ട്ട്‌ലന്‍ഡിലെ എന്റെ ഒരു സുഹൃത്തിന്റെ കുട്ടികള്‍ പഠിയ്ക്കുന്ന സ്കൂളില്‍ കുട്ടികളെയോ രക്ഷിതാക്കളെയോ കൊണ്ട്‌ അവരവരുടെ മാതൃഭാഷയില്‍ The Little Red Hen എന്ന കഥ പറയിക്കുന്ന/വായിപ്പിക്കുന്ന പരിപാടി ഉണ്ടായിരുന്നു. അതിനുവേണ്ടി തര്‍ജ്ജമ ചെയ്തതാണിത്‌. ഇതിന്റെ ഒരു പാഠഭേദം കേരളത്തിലെ പാഠപുസ്തകങ്ങളില്‍ ഉണ്ടായിരുന്നു.പണ്ടുപണ്ട്‌, ഒരിടത്ത്‌ ഒരു ചുവന്ന കുഞ്ഞിക്കോഴിയുണ്ടായിരുന്നു. അവള്‍ തന്റെ കൊച്ചുവീട്ടില്‍

താമരക്കണ്ണന്‍ Vs മുക്കണ്ണന്‍

2008-09-22T07:04:00.000-07:00

ഉമാ-രമാസംവാദങ്ങള്‍ കേട്ട്‌, ഇവരുടെ പ്രാണനാഥന്മാരുടെ സംവാദം എങ്ങനെയായിരിക്കും എന്ന് അദ്ഭുതപ്പെട്ടിട്ടുള്ളവര്‍ക്കു വേണ്ടി:"കുന്നിന്‍നാട്ടിലെ ബാന്ധവം കഠിനമോ?" "തണ്ണീരിലും മെച്ചമാ-""ണുണ്ണിക്കുമ്പ നിറഞ്ഞിടാത്തൊരഴലോ?" "വന്ധ്യത്വമോര്‍ത്താല്‍ സുഖം.""പെണ്ണിന്‍ മാതിരി പാതിമേനിയഴകോ?" "പെണ്‍വേഷമോ?"യെന്നു താര്‍-ക്കണ്ണന്‍ വമ്പിനെ വെന്ന വാണിയൊടു മുക്കണ്ണന്‍ തുണച്ചീടണം.<< എന്റെ മറ്റു ശ്ലോകങ്ങള്‍

പൊതുജനസമ്പര്‍ക്കപരിപാടി - 2008

2008-07-21T23:29:00.001-07:00

ഒരു ബ്ലോഗറുടെ ജീവിതം തിരക്കു നിറഞ്ഞതാണ്‌. പോസ്റ്റണം. പോസ്റ്റില്‍ വല്ലവരും കമന്റിയാല്‍ മറു കമന്റണം. വരേണ്യബ്ലോഗര്‍മാര്‍ വല്ലവരുമാണു കമന്റാന്‍ വരുന്നതെങ്കില്‍ ആവണപ്പലകയിട്ടിരുത്തി കാലുകഴുകിച്ചുകമന്റണം. പുതിയവര്‍ വല്ലവരുമാണെങ്കില്‍പ്പോലും ഒന്നു കണ്ടെന്നു വരുത്തണം. നല്ലവാക്കു പറയുന്ന ബ്ലോഗന്മാരുടെ ബ്ലോഗില്‍പ്പോയി നല്ലതെന്തെങ്കിലും കമന്റണം. വിമര്‍ശിക്കുന്നവരുണ്ടെങ്കില്‍ അവരുടെ ബ്ലോഗില്‍പ്പോയി

മനോരമ ചാറ്റ്‌റൂമിലാണ്‌

2008-06-11T18:15:00.000-07:00

ബൈറ്റിന്നായ്‌ വാപൊളിയ്ക്കും, ചുമരിനരികിലേക്കോടി വിന്‍ഡോസ്‌ തുറക്കും,സൈറ്റെന്നാല്‍ കണ്ണിറുക്കും, കലവറ തിരയും ചിപ്‌സിനായേറെനേരം,ബൂട്ടിന്നായ്‌ കാലുപൊക്കും - കണവനിതുവിധം ഭോഷനായോരുമൂലംഡെയ്റ്റിന്നായ്‌ ചാറ്റുറൂമില്‍ക്കയറിയലയുവാനാണെനിയ്ക്കിന്നു യോഗംപാമരനായ ഭര്‍ത്താവിന്റെ കൂടെ കഴിയേണ്ടിവന്ന വിദുഷിയായ മനോരമത്തമ്പുരാട്ടിയുടെ 'യസ്യ ഷഷ്ഠീ ചതുര്‍ത്ഥീ ച'എന്ന ശ്ലോകം പ്രസിദ്ധമാണല്ലോ. ഇന്നും ഈ ദുരവസ്ഥ

കുട്ടിപ്പുരയുടെ ശില്‍പി

2008-06-01T02:39:00.000-07:00

കഥാകാരികളെപ്പറ്റിയുള്ള ബ്ലോഗ്‌ ഇവന്റിന്റെ ഭാഗമായി എഴുതുന്നത്‌.'വേലൂ, ഉമ്മറത്തേക്കു വാ, മരത്തിന്റെയും ചായത്തിന്റെയും വിലയും പണിക്കൂലിയും തരാം. നീ ആനയുടെ വിലയൊന്നും പറഞ്ഞേക്കരുത്‌, പറഞ്ഞേക്കാം.'ലോകത്തിലെ ഏറ്റവും മതിപ്പുകുറഞ്ഞ ജോലികള്‍ കുട്ടികളുടെ പരിചരണവുമായി ബന്ധപ്പെട്ടവയാണെങ്കില്‍ (അമ്മയുടേതുള്‍പ്പെടെ) സാഹിത്യത്തില്‍ അതേ സ്ഥാനം ബാലസാഹിത്യത്തിനായിരിക്കും. ലോകക്ലാസിക്കുകളുടെ കൊടുമുടികളിലും

നെല്ലിക്ക കയറ്റുമതി

2008-05-16T23:41:00.000-07:00

ദേശാഭിമാനി പത്രത്തിന്റെ വർഷാന്തപട്ടികയിൽ കാമകൂടോപനിഷത്തും. കാമകൂടോപനിഷത്ത് (സമാഹാരം) വായിച്ചിട്ട് കവി ശ്രീ. ചെറിയാൻ കെ. ചെറിയാൻ എഴുതിയ കത്ത്. കാമകൂടോപനിഷത്ത് എന്ന സമാഹാരത്തിന് ഡോ: പി. കെ. രാജശേഖരൻ എഴുതിയ അവതാരികയിൽനിന്നുള്ള ഭാഗങ്ങൾ കറന്റ് ബുക്സ് ബുള്ളറ്റിൻ നവംബർ 2011 ലക്കത്തിൽ. (പത്താം പേജ് കാണുക). ഭാഷാപോഷിണിയുടെ ബ്ലോഗ് പതിപ്പില്‍ ശ്രീമദ് ഇ.എം.എസ്. അഷ്ടോത്തരശതനാമസ്തോത്രം (മെയ്‌ 2008)

ബ്ലോഗറോടു ചോദിക്കാം

2008-05-08T17:28:00.000-07:00

ബ്ലോഗറോടു ചോദിക്കാം. വിരോധമില്ല. പക്ഷേ, ബ്ലോഗറും തിരിച്ചു ചോദിക്കും.വിജ്ഞാനകോശമോ നിഘണ്ടുവോ നോക്കാതെ, മെനക്കെടാതെ, വിവരം സമ്പാദിക്കാനുള്ള എളുപ്പമാര്‍ഗ്ഗം ചോദ്യം ചോദിക്കലല്ലേ? ഉത്തരം കിട്ടിയാല്‍ സന്തോഷം. ഉത്തരം മുട്ടുന്നതു കണ്ടാല്‍ അതിലും സന്തോഷം. അതുകൊണ്ടു കടന്നുവരൂ, കടന്നുവരൂ. ആര്‍ക്കും ചോദിക്കാം. ഏത്‌ അനോണിയുടെ മോനും ചോദിക്കാം.മറുപടി ബ്ലോഗര്‍ക്കു മാത്രമല്ല, ആര്‍ക്കും പറയാം.ഉത്തരം പറയുന്ന ഓരോ

സത്യം പിടികിട്ടാപ്പുള്ളിയാകുമ്പോള്‍

2008-05-02T23:16:00.000-07:00

'ഫ്രൈഡ്‌മാന്‍സിനെ പിടികൂടുന്നത്‌' (കാപ്‌ചറിങ്ങ്‌ ദ ഫ്രൈഡ്‌മാന്‍സ്‌‌) എന്ന ഡോക്യുമെന്ററിയുടെ കാഴ്ചക്കാര്‍ എത്തരക്കാരായിരിക്കും? തങ്ങളുടെയടുത്ത്‌ കമ്പ്യൂട്ടര്‍ പഠിക്കാന്‍ വന്ന ആണ്‍കുട്ടികളെ ലൈംഗികമായി പീഡിപ്പിച്ച കുറ്റത്തിനു തടവിലായ പ്രൊഫസര്‍ പിതാവിന്റെയും ചെറുപ്പക്കാരനായ മകന്റെയും കഥ ആരു കാണും? മനുഷ്യന്റെയുള്ളില്‍ കൂരിരുട്ടുണ്ടെന്നു വിശ്വസിക്കുകയും ആ വിശ്വാസത്തെ ശരിവെയ്ക്കുന്ന കലാസൃഷ്ടികളോടു

ചുവപ്പ്‌

2008-04-29T23:24:00.000-07:00

അമ്പത്തൊന്നക്ഷരാളി

2008-04-06T14:51:00.000-07:00

അമ്പത്തൊന്നക്ഷരത്തില്‍, ക്കളമൊഴി കിളിതന്‍ കൊഞ്ചലില്‍, ചാക്കിയാരുംനമ്പ്യാരും മന്ദഹാസം വിതറിയ നരജീവന്റെയാന്ദോളനത്തില്‍,ചെമ്പൊല്‍ത്താരിന്‍ ദളത്തിന്നഴകു വഴിയുമാ രംഗദീപത്തിലും പോല്‍കമ്പ്യൂട്ടര്‍ സ്ക്രീനിലും നീ തുടരുക നടനം കൈരളീവാണിമാതേ(2007)അക്ഷരശ്ലോകസദസ്സിലെ 4000-ാ‍മത്തെ ശ്ലോകം.<< എന്റെ മറ്റു ശ്ലോകങ്ങള്‍

മരിച്ചുപോയവര്‍ക്ക്‌ ഒരു മുന്നറിയിപ്പ്‌

2008-03-26T12:27:00.000-07:00

കഥ സമകാലികമലയാളം വാരികയില്‍<< മറ്റു കഥകള്‍

തല്ലാന്‍

2008-03-11T11:34:00.000-07:00

ഒരു സമസ്യാപൂരണം:ഇല്ലിറ്റു ചോര പൊടിയാനിട, കോലുവേണ്ട,തെല്ലല്ല നോവു, മുറി ദുഷ്കരമാണുണക്കാന്‍.വെല്ലേണമെങ്കിലെതിരാളിയെ, വാക്കുകള്‍ തന്‍തല്ലാണു നല്ലവഴിയെന്നതു തീര്‍ച്ചയല്ലേ?<< എന്റെ മറ്റു ശ്ലോകങ്ങള്‍<< എന്റെ മറ്റു ദ്രുതകവനങ്ങള്‍

അന്നത്തെ ഭാഷ

2008-03-09T18:35:00.000-07:00

ഇ. വി. കൃഷ്ണപിള്ളയുടെ "ഭാരതിയുടെ ഉപദേശം" എന്ന കഥയില്‍ നിന്ന്: (ഇരുപതാംനൂറ്റാണ്ടിന്റെ ആദ്യപതിറ്റാണ്ടുകളില്‍ എഴുതപ്പെട്ടത്‌)ശാന്തം ശാന്തമായി മാത്രമേ വായനക്കാര്‍ ഈ രംഗത്തില്‍ പ്രവേശിക്കാവൂ എന്നു് പ്രത്യേകം ഒരു അപേക്ഷയുണ്ടു്. ആ പരമപാവനതയുടെ മാഹാത്മ്യത്തെ ഭംഗപ്പെടുത്താതിരിക്കണമല്ലോ. പരിസരത്തിലുള്ള അന്തരീക്ഷത്തില്‍ സംക്രമിച്ചിരിക്കുന്ന മധുരാലാപങ്ങളുടെ പവിത്രത അപഥോന്മുഖമെന്നു മനസ്സമാധാനകാംക്ഷികള്‍ക്കു

സുന്ദരന്മാര്‍ പ്രതിഷേധിക്കുന്നു

2008-02-18T23:15:00.000-08:00

എസ്കിമോകളുടെ ഭാഷയില്‍ മഞ്ഞിന്‌ കാക്കത്തൊള്ളായിരം വാക്കുകളുണ്ടെന്നു പറയുന്നത്‌ ചുമ്മാതാണത്രെ.എന്നാലും അത്‌ ആദ്യമായി പറഞ്ഞയാള്‍ പറയാന്‍ ശ്രമിച്ചത്‌ ഇതാണല്ലോ: ഒരു ഭാഷയുപയോഗിക്കുന്നവര്‍ ഏറ്റവുമധികം എന്തിനെപ്പറ്റി സംസാരിക്കാന്‍ അതുപയോഗിക്കുന്നു അഥവാ ഉപയോഗിച്ചുപോന്നു എന്നത്‌ അധികം പര്യായങ്ങളുള്ള വാക്കുകള്‍ തേടിപ്പോയാല്‍ കണ്ടുപിടിക്കാന്‍ കഴിയും. മലയാളിക്ക്‌ snowയ്ക്കും iceനും fogനും frostനും

കോടാലിരാമനും കോദണ്ഡരാമനും

2008-01-26T01:04:00.000-08:00

സുജനിക എന്ന ബ്ലോഗില്‍ നടന്ന ഒരു ചര്‍ച്ചയിലിട്ട കമന്റാണ്‌ ഈ പോസ്റ്റിനാധാരം. ആ ചര്‍ച്ച ഇന്നവിടെ കാണുന്നില്ല. അപ്പോള്‍പ്പിന്നെ ഇതിവിടെ ഒരു പോസ്റ്റാക്കിയേക്കാമെന്നു കരുതി.മനുഷ്യജീവിതമാണു സാഹിത്യത്തില്‍ പ്രതിഫലിക്കുന്നതെങ്കിലും നമ്മള്‍ ജീവിതത്തില്‍ കാണുന്നതുപോലെ ഒരേ പേരുള്ള പല കഥാപാത്രങ്ങള്‍ സാഹിത്യകൃതികളില്‍ ഇല്ലാതിരിക്കുന്നതിനെപ്പറ്റിയായിരുന്നു ചര്‍ച്ച.ചര്‍ച്ച വായിച്ചപ്പോള്‍ "ഞാനൊഴിഞ്ഞുണ്ടോ

വ്യാഖ്യാതാവിന്റെ അറിവ്‌

2008-01-13T08:49:00.000-08:00

കവിയ്ക്കല്ല, ഭാഷ്യം ചമയ്ക്കുന്നവര്‍ക്കേകൃതിയ്ക്കുള്ള മെച്ചം ഗ്രഹിക്കാവതുള്ളൂ.രതിക്രീഡയില്‍ പുത്രനാളും പടുത്വംസ്‌നുഷയ്ക്കാകു, മമ്മയ്ക്കു പറ്റാ ഗ്രഹിക്കാന്‍കവിതാരസചാതുര്യം എന്ന ശ്ലോകത്തിന്റെ പ്രതിച്ഛായ<< എന്റെ മറ്റു ശ്ലോകങ്ങള്‍

എന്റെ ദ്രുതകവനം അഥവാ തട്ടിക്കൂട്ടിയ ശ്ലോകങ്ങള്‍

2008-01-12T07:38:00.000-08:00

പദ്യമെഴുത്തു 'വെള്ളം പോലെ'യായ എഴുത്തുകാര്‍ അക്ഷരശ്ലോകം നടക്കുമ്പോഴോ അല്ലാത്ത അവസരങ്ങളിലോ മുന്‍കൂട്ടിയാലോചിക്കാതെ കവിതകള്‍ രചിക്കുന്നതിനാണ്‌ ദ്രുതകവനം എന്നു പറയുന്നത്‌. അക്ഷരശ്ലോകം ഇലക്ട്രോണിക്‌ കൂട്ടായ്മയില്‍ വര്‍ഷങ്ങളായി ഒരു ഇ-സദസ്സ്‌ നടക്കുന്നുണ്ട്‌. ലോകത്തിന്റെ പലഭാഗത്തുനിന്നുമുള്ള ശ്ലോകകുതുകികള്‍ ശ്ലോകങ്ങള്‍ ചൊല്ലിവിടുന്നതിന്റെ വേഗക്കൂടുതലിനിടയില്‍ ചില തെറ്റുകള്‍ പറ്റാറുണ്ട്‌. ഉദാഹരണത്തിന്‌

നഗ്നസത്യം - ഒരു ജമൈക്കന്‍ നാടോടിക്കഥ

2007-12-22T01:16:00.000-08:00

പണ്ടു സത്യം കൊച്ചുകുട്ടിയായിരുന്ന കാലത്ത്‌ അവന്‍ നൂലുബന്ധമില്ലാതെ നടക്കുന്നതു വീട്ടുകാരും നാട്ടുകാരുമൊക്കെ വാത്സല്യപൂര്‍വം നോക്കിനിന്നിരുന്നു. അവന്‍ വലുതാവാന്‍ തുടങ്ങിയപ്പോള്‍, അവന്റെ അമ്മ അവനെ തുണിയുടുപ്പിക്കാന്‍ ശ്രമിച്ചു. അവനതൊക്കെ ഉരിഞ്ഞിട്ടിട്ടു പിന്നെയും നഗ്നനായി നടന്നു. പിന്നെയും വളര്‍ന്നപ്പോള്‍, ഗ്രാമത്തിലെ പെണ്ണുങ്ങള്‍ ഒന്നു ശ്രമിച്ചു നോക്കി. അവന്‍ തുണിയൊക്കെ കീറിയെറിഞ്ഞിട്ടു പഴയതുപോലെ

തള്ളയെ അനുസരിക്കാത്ത ആട്ടിന്‍ കുട്ടിയുടെ സമ്പൂര്‍ണ്ണ ജീവിതകഥ

2007-12-06T23:38:00.000-08:00

തള്ളയെ അനുസരിക്കാത്ത ആട്ടിന്‍ കുട്ടിയുടെ സമ്പൂര്‍ണ്ണ ജീവിതകഥ എന്ന എന്റെ നീണ്ടകഥ തര്‍ജ്ജനിയില്‍ ഒന്നാം ഭാഗം (ഒക്ടോബര്‍ ലക്കം)രണ്ടാം ഭാഗം (നവംബര്‍ ലക്കം)മൂന്നാം ഭാഗം (ഡിസംബര്‍ ലക്കം)<< എന്റെ മറ്റു കഥകള്‍

ജനലോ കണ്ണാടിയോ?

2007-12-06T19:44:00.000-08:00

വെള്ളെഴുത്തിന്റെ ജനലെഴുത്തു വായിച്ചപ്പോള്‍ മൂന്നുപ്രാവശ്യമെങ്കിലും കണ്ടിട്ടുള്ള റിയര്‍ വിന്‍ഡോ ഒന്നുകൂടി കാണണമെന്നു തോന്നി. ലൈബ്രറിയില്‍ ഹോള്‍ഡിലിട്ട ഡി.വി.ഡി. വൈകാതെ എത്തി. വീട്ടില്‍ക്കൊണ്ടു വെച്ചു. അടുത്ത ആഴ്ചയറുതിയ്ക്കു കാണാം. മറ്റു തിരക്കുകള്‍ കാരണം അതു നടന്നില്ല. ഒരാഴ്ചകൂടി കഴിഞ്ഞു കൊടുക്കാമെന്നു കരുതിയപ്പോള്‍ പറ്റില്ല, ഉടന്‍ തിരികെ എത്തിക്കണം. ലൈബ്രറിയിലുള്ള പതിനാലു കോപ്പികളും മറ്റാരൊക്കെയോ

അഷ്ടമൂര്‍ത്തി

2007-11-22T15:28:00.000-08:00

മഥിതദനുജജാലം, മംഗളാപ്രാണലോലം,വിധൃതഡമരുശൂലം, വിത്തപാലാനുകൂലം,സകലഭുവനമൂലം, സന്നതാശാധിപാലം,ഭവവിതരണശീലം ഭാവയേ കാലകാലം(2006)<< എന്റെ മറ്റു ശ്ലോകങ്ങള്‍

ശ്രീരാമകഥാസുധ

2007-11-04T01:58:00.000-07:00

സി. വി. ശ്രീരാമന്റെ ഇരിക്കപ്പിണ്ഡം എന്ന കഥ നടക്കുന്നത്‌ വാരാണസിയിലാണെങ്കിലും അതു സിനിമയാക്കിയ കെ. ആര്‍. മോഹനന്‍ അവസാനരംഗങ്ങളെ ധനുഷ്കോടിയിലേക്കു പറിച്ചുനട്ടു. ഉപ്പുകാറ്റില്‍ ദ്രവിച്ച ഇഷ്ടികളോടെ നിലകൊള്ളുന്ന ഭിത്തികളും എന്നോ പൊളിഞ്ഞുവീണ മേല്‍ക്കൂരകളുമുള്ള ജനശൂന്യമായ ആ നഗരം ഒരു ശ്രീരാമന്‍ കഥയുടെ പരിസമാപ്തിയ്ക്ക്‌ എത്രയും ഉചിതമായ ഒരു രംഗപടമൊരുക്കി. ഒരിക്കല്‍ മനുഷ്യരായിരുന്ന ആത്മാവുകള്‍ ആ കഥകളില്‍

സ്വയംവര - നൂറ്റൊന്നാമത്തെ പോസ്റ്റ്‌

2007-11-02T17:24:00.000-07:00

ബൂലോകത്തിലെ അറിയപ്പെടുന്ന ഒരു ചിത്രകാരന്‍ എന്റെ പടം വരച്ചു. ഞാനും വരച്ചു ഒരെണ്ണം. നിങ്ങള്‍ തന്നെ തീരുമാനിക്കുക ഏതാണ്‌ എന്നെപ്പോലിരിക്കുന്നതെന്ന്.

ഭുവനേശ്വര്‍

2007-09-24T23:50:00.000-07:00

ഭുവനേശ്വര്‍ എന്ന ചെറുകഥ2007 സെപ്റ്റംബര്‍ 16ന്റെ ദേശാഭിമാനി വാരികയില്‍ പ്രസിദ്ധീകരിച്ചു.മഴക്കാറു നിറഞ്ഞ ഒരു വരണ്ട രാത്രിയ്ക്കു താഴെക്കൂടി ഒരു തീവണ്ടി അതിവേഗം പാഞ്ഞുകൊണ്ടിരുന്നു. അങ്ങിങ്ങായി പാറക്കെട്ടുകള്‍ ഉയര്‍ന്നുനിന്ന തരിശുഭൂമികള്‍ക്കു നടുവിലൂടെ, ദിവസങ്ങള്‍ നീണ്ടുനിന്ന യാത്രയ്ക്കുവേണ്ടി ഒരുമിച്ച ഒരാള്‍ക്കൂട്ടത്തെ ലോഹപ്പെട്ടികളിലടച്ചു പേറിക്കൊണ്ടു തീവണ്ടിയോടി. അതില്‍ വിജയന്‍ എന്നു പേരായ ഇരുപതു

ഗലേ ലഗാ ലേ

2007-09-16T00:48:00.000-07:00

വളിപ്പിന്റെ കേദാരത്തില്‍ ഒരു ചേരിചേരാസമ്മേളനത്തിലെ ഒരാലിംഗനത്തിന്റെ കഥ പറഞ്ഞിട്ടുണ്ട്‌. -ടി- സമ്മേളനത്തിലെ സഖാവിന്റെയും ഇന്ദിരേടത്തിയുടെയും -ടി- ആലിംഗനത്തിന്റെ പടം മുന്‍പേജില്‍ പത്രങ്ങളിലെല്ലാം അച്ചടിച്ചുവന്നതിന്റെ അടുത്താഴ്ച കേസരി ഇറങ്ങിയപ്പോള്‍ ഭാരതസംസ്കാരത്തിനു വിരുദ്ധമായ ഈ നടപടിയെ മുക്തകണ്ഠം അപലപിച്ചിട്ടുണ്ടായിരുന്നു. കാസ്ട്രോയെ കാസ്ട്രേറ്റ്‌ ചെയ്യണമെന്നതില്‍ കുറഞ്ഞെല്ലാം പറഞ്ഞുവെച്ചിരുന്നു.

വാമനമൂര്‍ത്തി

2007-08-19T23:25:00.000-07:00

ചരിയ്ക്കും പഥത്തിന്റെ നേരല്ല മുഖ്യം,ജനിയ്ക്കും കുലത്തിന്‍ വലിപ്പച്ചെറുപ്പം -ബലിയ്ക്കീ നിജത്തെദ്ധരിപ്പിച്ചു മോക്ഷംകൊടുക്കാനടുക്കും ഹരിക്കായ്‌ നമിക്കാം(2005)<< എന്റെ മറ്റു ശ്ലോകങ്ങള്‍

മറുപടി

2007-06-27T15:59:00.000-07:00

മറുപടി എന്ന കവിത ബൂലോകകവിതയില്‍.<< എന്റെ മറ്റു കവിതകള്‍

അവസാനത്തെ അദ്ധ്യായം: ഞാന്‍ നോവലിസ്റ്റിനെ ധിക്കരിക്കുന്നു

2007-06-13T18:04:00.000-07:00

അവസാനത്തെ അദ്ധ്യായം: ഞാന്‍ നോവലിസ്റ്റിനെ ധിക്കരിക്കുന്നു എന്ന കഥ തര്‍ജ്ജനിയില്‍.<< എന്റെ മറ്റു കഥകള്‍

കിളിപ്പെണ്ണ്‌

2007-06-13T17:51:00.000-07:00

ഓംകാരപഞ്ജരമതില്‍ക്കിളി, യാഗമാന്ത-പ്പൂങ്കാവിനുള്ളിലമരും കുയി, ലെന്നുമല്ലവന്‍കാടു തോറ്റ മറ തന്നില്‍ മയൂരിയെന്നുംഗംഗാധരപ്രിയയെയുള്ളിലിവന്‍ നിനയ്ക്കാംതാഴെക്കാണുന്ന ശ്ലോകത്തിന്റെ വിവര്‍ത്തനം.ഓംകാരപഞ്ജരശുകീംഉപനിഷദുദ്യാനകേളികളകണ്ഠീംആഗമവിപിനമയൂരീംആയാദ്‌ അന്തര്‍വിഭാവയേ ഗൗരീം(2006)<< എന്റെ മറ്റു ശ്ലോകങ്ങള്‍

പൊതുജന സമ്പര്‍ക്ക പരിപാടി - 2007

2007-05-22T17:08:00.000-07:00

പൊതുജന സമ്പര്‍ക്ക പരിപാടിയുടെ ഭാഗമായി ഈ ബ്ലോഗിന്റെ ഉടയവന്‍ അമേരിക്കയിലെ വിവിധനഗരങ്ങള്‍ സന്ദര്‍ശിക്കുന്നതാണ്‌. ആദ്യഘട്ടം പരിപാടി താഴെ ചേര്‍ക്കുന്നു:ജൂണ്‍ 2-3 സിയാറ്റില്‍, വാഷിങ്ങ്ടണ്‍ജൂണ്‍ 4-9 സിന്‍സിനാറ്റി, ഒഹായോജൂണ്‍ 9 മിനിയാപ്പൊലീസ്‌, മിനെസോട്ടനേരിട്ടുകാണാനാഗ്രഹിക്കുന്നവര്‍ ഈ-മെയില്‍ മുഖേന ബന്ധപ്പെടുക. കൃതികളുടെ പകര്‍പ്പ്‌, ഫോട്ടോ എന്നിവയില്‍ കൈയൊപ്പുകള്‍, അത്താഴവിരുന്ന്, സാമീപ്യം, സര്‍ഗ്ഗസഹായം

ടിപ്പു സ്തുതി

2007-05-22T17:07:00.000-07:00

ടിപ്പൂ, ഹൈദരനന്ദനാ, നിഖിലലോകേശന്റെ പാദങ്ങളാംപൊല്‍പ്പൂവിങ്കലമര്‍ന്ന മാനസമരന്ദാ, രംഗദേശാധിപാ,കെല്‍പ്പേറുന്നൊരു ഭാരതാംബയുടെ സന്താനങ്ങളില്‍ വ്യാഘ്രമേ,കൂപ്പുന്നേന്‍, മലനാടു വെന്നൊരു മഹീപാലൈകചൂഡാമണേ.(2006)<< എന്റെ മറ്റു ശ്ലോകങ്ങള്‍

ഒരു നാള്‍ അരാഷ്ട്രീയ ബുദ്ധിജീവികള്‍ ചോദ്യം ചെയ്യപ്പെടും

2007-04-24T17:19:00.001-07:00

ഒട്ടോ റെനോ കാസ്റ്റില്ലോഒരു നാള്‍,ഇന്നാട്ടിലെ അരാഷ്ട്രീയ ബുദ്ധിജീവികള്‍ഇവിടുത്തെ ഏറ്റവും സാധാരണക്കാരായ ജനങ്ങളാല്‍ ചോദ്യം ചെയ്യപ്പെടും.ഒറ്റപ്പെട്ട ഒരു ചെറുനാളം പോലെസ്വന്തം രാജ്യം കെട്ടടങ്ങിയപ്പോള്‍ നിങ്ങള്‍ എന്തു ചെയ്തു എന്ന്അവര്‍ ചോദിക്കും.ഉടയാടകളെക്കുറിച്ചോനീണ്ട ഉച്ചമയക്കങ്ങളെക്കുറിച്ചോഅവര്‍ അന്വേഷിക്കില്ല.'ഇല്ലായ്മയുടെ ആശയ'ത്തോടുള്ള വന്ധ്യമായ

ആശ്രാമത്തെ മരങ്ങള്‍

2007-04-09T20:26:00.001-07:00

ആശ്രാമത്തെ മരങ്ങള്‍ എന്ന കവിത തര്‍ജ്ജനിയില്‍<< എന്റെ മറ്റു കവിതകള്‍

ബീയിങ്ങ്‌ സൈറസ്‌

2007-04-09T17:29:00.000-07:00

ഹോളിവുഡാവാന്‍ ഞങ്ങളെക്കൊണ്ട്‌ അനായാസം പറ്റുമെന്നുള്ള ബോളിവുഡിന്റെ നാട്യത്തിന്റെ ഫലമായുണ്ടായ പടങ്ങളില്‍ പലതിലും ഹോളിവുഡായി നടിക്കുന്ന ബോളിവുഡിനെയേ കാണാന്‍ കഴിയുന്നുള്ളൂ. കൂള്‍ ആയ നടീനടന്മാരെയും കൂള്‍ ആയ സാങ്കേതികവിദ്യകളും കൂള്‍ ആയ അമേരിക്കന്‍ ബ്രാന്‍ഡുകളും ഇണക്കി നിര്‍മ്മിച്ച, ഹോളിവുഡിലായിരുന്നെങ്കില്‍ നേരെ വീഡിയോയില്‍ ചെന്നൊടുങ്ങുമായിരുന്ന ദേശി ഉല്‍പന്നങ്ങളില്‍ നിന്നു വേറിട്ടു നില്‍ക്കുന്നു